१ कोरिन्‍थी 5:1 - नेवाः बाइबल

¹ छिमिगु दथुइ व्‍यभिचार जुयाच्‍वंगु दु धकाः जितः धाःगु दु। थज्‍याःगु व्‍यभिचार ला यहूदीमखुपिनि दथुइ नं जुइ मखु। छम्‍हय्‌सिनं ला थः हे चिरिमांयात कलाः तयाच्‍वंगु दु हं।

१ कोरिन्‍थी 5:1 ပူးပေါင်းရင်းမြစ်များ

उत्‍पत्ति 35:22

याकूब अन हे च्‍वनाच्‍वंबलय् रूबेन थः बौया मथ्‍याःम्‍ह कलाः बिल्‍हालिसे द्यन। याकूबं थ्‍व खँ सिल। याकूबया झिंनिम्‍ह काय् दु –

उत्‍पत्ति 37:2

याकूबया खँ थथे दु – योसेफ झिंन्‍हय्‌दँ दुबलय् थः दाजुपिं लिसें फै-च्‍वलय् ज्‍वःवनीगु खः, उपिं थः चिरिमांपिं बिल्‍हा व जिल्‍पाया काय्‌पिं खः। छन्‍हु वं थः दाजुपिनिगु मभिंगु बानी थः बौयात कं वल।

उत्‍पत्ति 49:4

छ थातं मच्‍वंगु लः थें खः, छ न्‍हापांम्‍ह जुयाच्‍वनी मखु, छाय्‌धाःसा छ थः बौया लासाय् द्यन, अले जिगु लासायात क्‍वह्यंकल।

२ शमूएल 16:22

अथे जुयाः इमिसं कःसिइ अब्‍शालोमया निंतिं छगू पाल ग्‍वयाबिल, अले फुक्‍क इस्राएलीतय्‌सं खंक व थः अबुया मथ्‍याःपिं कलाःपिं नापं द्यन।

२ शमूएल 20:3

दाऊद यरूशलेमय् थःगु दरबारय् थ्‍यंबलय् थःम्‍हं दरबार स्‍वयेत तयातःपिं झिम्‍ह मथ्‍याःपिं कलाःतय्‌त यंकाः मेगु छेँ कुनातल। वं इमित नयेत्‍वनेगु मिलय् यानाबिल, अय्‌नं इपिं नापं द्यं मवं। थुकथं इमित मसीतले हे कुनातल। इपिं भाःत मदुपिं मिसातय्‌सं थें जीवन हनाच्‍वने माल।

१ इतिहास 5:1

इस्राएलया न्‍हापां बूम्‍ह काय् रूबेन खः। अय्‌नं वं थः बाःया छम्‍ह मथ्‍याःम्‍ह कलाःलिसे द्यनाः थः बाःयात हेपय् याःगुलिं न्‍हापां बूम्‍ह काय्‌या अधिकार वया किजा योसेफया काय्‌पिन्‍त बिल। उकिं वंशावलीइ रूबेनया नां तःधिकःम्‍ह काय् कथं च्‍वयातःगु मदु।

यर्मिया 2:33

मतिनामि माला जुइत छ गुलि सः। छं मभिंपिं मिस्‍तय्‌त नं अथे यायेगु स्‍यंगु दु।

इजकिएल 16:47

अथे जूसां छ इमिगु पहःचहःकथं जूगु जक मखु इमिसं थें छं घच्‍चाइपुगु ज्‍या नं यात। उलि जक मखु, कम इलय् हे छं थःगु फुक्‍क पहःचहलय् थःत इपिं स्‍वयाः यक्‍व स्‍यंकल।

इजकिएल 22:10

छंके थः बौया कलाःपिंनापं द्यनाः थः बौयात अपमान याइपिं दु, छंके थीमत्‍यः जूबलय् व विधिकथं अशुद्ध जुयाच्‍वंम्‍ह मिसालिसें लसपस याइपिं मनूत नं दु।

लेवी 18:8

“‘छं थः बौया कलाः चिरिमांनाप लसपस याये मते। अथे यानाः छं थः बौयात लज्‍या चाय्‌के मज्‍यू।

लेवी 20:11

“‘थः बौया कलाःनापं लसपस याइम्‍हय्‌सिनं थः बौयात लज्‍या चाय्‌कूगु खः। इपिं निम्‍हय्‌सितं स्‍याना छ्वयेमाः। थज्‍याःम्‍ह मनू तःधंगु अपराधया दोषी खः।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

प्रेरित 15:20

अथे खःसां इमित मूर्ति पुजायागु प्रसाद नये मते, व्‍यभिचार याये मते, हि मम्‍हुकुसे स्‍याःगु ला नये मते, छुकियागुं हि त्‍वने मते धकाः च्‍वःसा बांलाइ।

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

१ कोरिन्‍थी 1:11

छिपिं थःथवय् ल्‍वानाच्‍वन धयागु खँ जितः क्‍लोएया छेँयापिन्‍सं कंगु खः।

१ कोरिन्‍थी 5:11

जिं छिमित धयागु छु धाःसा विश्‍वासी दाजुकिजापिं जुयाः नं व्‍यभिचार यानाजुइपिं, लोभीत, मूर्ति पुजा यानाजुइपिं, मेपिन्‍त मभिंका जुइपिं, अय्‌लाः त्‍वनाजुइपिं, अले खुँत – थज्‍याःपिं मनूत नाप बुला जुइ मते, अले इपिं नाप नये तक मते धकाः धयागु खः।

१ कोरिन्‍थी 6:13

सुनानं थथे नं धायेफु – “नयेगु प्‍वाःयागु लागि खः, अले प्‍वाः नयेगु लागि खः।” थ्‍व ला खः, अय्‌नं थ्‍व नितां परमेश्‍वरं मदय्‌का छ्वयादी। मनूयागु म्‍ह व्‍यभिचार याना जुइत मखु, बरु प्रभुयात तःधंकेत खः। उकिं म्‍हयात माःगु फुक्‍कं प्रभुं बियादी।

१ कोरिन्‍थी 6:18

व्‍यभिचारपाखें तापाक च्‍वँ। मेमेगु पाप याःसां म्‍हयात छुं नं जुइ मखु। व्‍यभिचार यात धाःसा थःगु हे म्‍ह लिसे पाप याःगु जुइ।

१ कोरिन्‍थी 6:9

मभिंपिं मनूतय्‌त परमेश्‍वरयागु राज्‍यय् दुकाइ मखु धकाः छिमिसं मस्‍यू ला? थःम्‍हं थःत थगय् याये मते, छाय्‌धाःसा व्‍यभिचार यानाजुइपिं, मूर्ति पुजा यानाजुइपिं, थः कलाः दय्‌कं कर्पिनि कलाःलिसे व्‍यभिचार यानाजुइपिं, मिजं मिजं हे व्‍यभिचार यानाजुइपिं,

२ कोरिन्‍थी 12:21

जि छिमिथाय् हानं वय्‌बलय् परमेश्‍वरं जितः छिमिगु न्‍ह्यःने लज्‍या चाये माय्‌कादी धकाः जि ग्‍यानाच्‍वना। अले जितः न्‍हापा पाप यानाः मह्यूपिं, न्‍हापा मभिंगु ज्‍या यानाः व्‍यभिचार यानाः व लाः लाः थें सनाः पश्‍चाताप मयाःपिं खनाः ख्‍वये वइ।

२ कोरिन्‍थी 2:5

सुनानं सुयातं नुगलय् स्‍याकूसा, जितः जक मखु बरु छिपिं फुक्‍कसितं नुगलय् स्‍याकूगु थें खः। जि छिमित यक्‍व बोझ क्‍वबिके मास्‍ति मवः।

२ कोरिन्‍थी 7:12

थथे जिं पौ च्‍वयाहयागु दुःख बियाच्‍वंम्‍ह मनूया लागि मखु, अले दुःख फया च्‍वंम्‍हय्‌सिगु लागि नं मखु, बरु परमेश्‍वरया न्‍ह्यःने छिमिसं जितः गुलि तक माया याः धकाः ध्‍वाथुइकेत च्‍वयाहयागु खः।

गलाती 5:19

मनूतय्‌गु बानी छु खः बांलाक हे सी दु। मनूतय्‌गु बानी थ्‍व हे खः – व्‍यभिचार यायेगु, मभिंगु मतिइ तयेगु, लाः लाः थें यानाजुइगु,

एफिसी 5:3

व्‍यभिचार यायेगु, मभिंगु मतिइ तया जुइगु व कर्पिनिगुली मिखा वंकाः जुइगु यानाः जुइ मज्‍यू।

व्‍यवस्‍था 22:30

सुं मिजंनं थः बौया न्‍हापायाम्‍ह कलाःनापं ब्‍याहा मयायेमाः। अथे यानाः थः बौयात लज्‍या मचाय्‌केमाः।

व्‍यवस्‍था 27:20

“थः बौया कलाःनापं द्यंम्‍ह मनूयात सराः लायेमाः छाय्‌धाःसा वं थः बौयात लज्‍या चाय्‌कल।” अले फुक्‍कसिनं “आमेन” धायेमाः।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

प्रकाश 2:21

जिं वयात पश्‍चाताप यायेमा धकाः ई बिया तया। अय्‌नं वं याना जूगु व्‍यभिचार याये मखुत धकाः मधाः।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

१ शमूएल 2:24

थथे याये मज्‍यू जिमि काय्‌पिं! परमप्रभुया मनूतय्‌सं छिमिगु बारे धाःगु खँ तसकं बांमलाः।