१ कोरिन्‍थी 3:7 - नेवाः बाइबल

⁷ उकिं पुसा प्‍यूम्‍ह मनू व लः ब्‍यूम्‍ह मनू छुनं मखु, तर तमा यानादीम्‍ह परमेश्‍वर हे खः।

१ कोरिन्‍थी 3:7 ပူးပေါင်းရင်းမြစ်များ

भजनसंग्रहया सफू 115:1

जिमिगु मखु, हे परमप्रभु, जिमिगु मखु, छिगु सदां दयाच्‍वनीगु दया माया व विश्‍वास याये बहःसूया निंतिं छिगु थःगु हे नांया महिमा जुइमा।

भजनसंग्रहया सफू 90:17

परमप्रभु, जिमि परमेश्‍वर, छिगु दया माया जिमिके दयेमा, जिमिसं यानागु फुक्‍क ज्‍याय् जिमित ताःलाकादिसँ।

यशैया 40:17

फुक्‍क जातित वय्‌कःया न्‍ह्यःने छुं नं मखु। वय्‌कलं इमित छुं नं ज्‍यालगय् मजूपिं व छुं नं मखुपिं ताय्‌कादी।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

यूहन्‍ना 15:5

“जि दाखमा खः, अले छिपिं दाखमाय् च्‍वंगु कचा खः। सु जिके च्‍वनाच्‍वनी, अले जि वयाके च्‍वने, वं हे जक यक्‍व दाख सय्‌की। जिलिसें तापानाः छिमिसं छुं नं याये फइ मखु।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ कोरिन्‍थी 3:6

जिं पुसा पिना, अले अपोल्‍लोसं लः बिल, थ्‍वयात तःमा यानादीम्‍ह ला परमेश्‍वर खः।

१ कोरिन्‍थी 3:8

पुसा प्‍यूम्‍ह मनू व लः ब्‍यूम्‍ह मनू निम्‍हं उथें खः। थुमिसं गुलि ज्‍या याःगु खः उलि हे थुमित परमेश्‍वरं ज्‍याला बियादी।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

गलाती 6:3

थथे मयासें सुनानं थःम्‍हं थःत तःधंम्‍ह धकाः धयाजुल धाःसा वं थःम्‍हं थःत धोखा ब्‍यूगु जुइ।