१ कोरिन्‍थी 3:6 - नेवाः बाइबल

⁶ जिं पुसा पिना, अले अपोल्‍लोसं लः बिल, थ्‍वयात तःमा यानादीम्‍ह ला परमेश्‍वर खः।

१ कोरिन्‍थी 3:6 ပူးပေါင်းရင်းမြစ်များ

भजनसंग्रहया सफू 127:1

परमप्रभुं हे छेँ दय्‌कामदीसा, दय्‌कीपिन्‍सं याःगु ज्‍या सितिं वनी। परमप्रभुं हे शहरया रक्षा यानामदीसा, पालें पिवाच्‍वंगु सितिं वनी।

भजनसंग्रहया सफू 62:11

परमेश्‍वरं तःकः हे थथे धयादीगु जिं न्‍यनागु दु, “शक्ति जिगु खः,

भजनसंग्रहया सफू 62:9

चिधंपिं मनूत छम्‍हू सासः जक खः। तःधंपिं मनूत पिनें खने दु थें मदु। लनास्‍वल धाःसा इपिं याउँसे च्‍वं, निम्‍हु फय् स्‍वयाः याउँसे च्‍वं।

हितोपदेश 11:25

नुगः मस्‍यासेबीम्‍ह मनूयाके यक्‍व दयावइ, मेपिन्‍त ग्‍वाहालि याइम्‍हय्‌सित, थःत नं ग्‍वाहालि दइ।

यशैया 61:11

गथे बुँइ माचात बुया वइ, अले क्‍यबय् पुसात बुया वइ, अथे हे परमप्रभु परमेश्‍वरं धार्मिकता व प्रशंसा फुक्‍क जातितय् न्‍ह्यःने हयादी।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 14:27

एन्‍टिओखियाय् थ्‍यंकाः इमिसं मण्‍डलीइ च्‍वंपिं विश्‍वासीत मुंकाः परमेश्‍वरं इपिं नाप च्‍वनादियाः गुलि ज्‍या यानादिल, अले यहूदीमखुपिन्‍त नं विश्‍वास यायेगु लँ क्‍यनादिल धकाः फुक्‍क खँ कन।

प्रेरित 16:14

थिआटीराय् च्‍वंम्‍ह रंग छिनातःगु थिकेगु कापः मिया जुइम्‍ह लिडिया नां दुम्‍ह मिसां नं जिमिगु खँ बांलाक न्‍यन। थ्‍व मिसां परमेश्‍वरयात मानय् याः। पावलं धाःगु खँ थुइमा धकाः प्रभुं वयागु नुगः चाय्‌कादिल।

प्रेरित 18:24

छन्‍हु अलेक्‍जेन्‍ड्रियाय् बूम्‍ह अपोल्‍लोस धाःम्‍ह छम्‍ह यहूदी एफिससय् वल। व तसकं ज्ञां दुम्‍ह व धर्मशास्‍त्रयागु खँ बांलाक स्‍यूम्‍ह खः।

प्रेरित 19:1

अपोल्‍लोस कोरिन्‍थय् हे दनिबलय् पावल थाय् थासय् जुयाः एफिससय् थ्‍यंकः वल। अन वं चेलातय्‌त नापलात।

प्रेरित 21:19

इमित ज्‍वजलपा याये धुंकाः पावलं यहूदीमखुपिन्‍थाय् भिंगु खँ न्‍यंका जूबलय् परमेश्‍वरं गज्‍याः गज्‍याःगु ज्‍या यानादिल धयागु छता छता खँ कन।

रोमी 15:18

ख्रीष्‍टं जिगुपाखें यहूदीमखुपिन्‍त परमेश्‍वरयात मानय् याकेत यानादीगु वचन व ज्‍याखँ बाहेक मेगु खँ ल्‍हायेगु आँट जिं मयाना।

१ कोरिन्‍थी 1:12

जिं न्‍यनागु खँ छु धाःसा छिपिं गुम्‍हय्‌सिनं – “जि पावलयाम्‍ह” धाइगु हं, गुम्‍हय्‌सिनं “अपोल्‍लोसयाम्‍ह,” गुम्‍हय्‌सिनं “केफासयाम्‍ह,” गुम्‍हय्‌सिनं “ख्रीष्‍टयाम्‍ह” धकाः धाइगु हं।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 3:22

पावल, अपोल्‍लोस व पत्रुस, अले थ्‍व संसार, जीवन व मृत्‍यु, अले जुयाच्‍वंगु ई व लिपा वइगु ई, दक्‍व फुक्‍क छिमिगु हे खः।

१ कोरिन्‍थी 3:7

उकिं पुसा प्‍यूम्‍ह मनू व लः ब्‍यूम्‍ह मनू छुनं मखु, तर तमा यानादीम्‍ह परमेश्‍वर हे खः।

१ कोरिन्‍थी 9:1

जिं जक यःथें याये मदु ला? जि जक छम्‍ह प्रेरित मखु ला? झी प्रभु येशूयात जिं खनागु मदु ला? छिमित परमेश्‍वरयागु भिंगु खँ न्‍यंकाः विश्‍वास याका तयाम्‍ह जि हे मखु ला?

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।