१ कोरिन्‍थी 3:5 - नेवाः बाइबल

⁵ अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

१ कोरिन्‍थी 3:5 ပူးပေါင်းရင်းမြစ်များ

मत्ती 25:15

वं इमिसं फक्‍व छम्‍हय्‌सित न्‍यागू लाख, छम्‍हय्‌सित निगू लाख व छम्‍हय्‌सित छगू लाख जिम्‍मा बियाः परदेशय् वन।

लूका 1:2

शुरु शुरुंनिसें थ्‍व खँ खंपिन्‍सं व न्‍यंका जूपिन्‍सं जिमित कना थकूगु गथे खः अथे हे च्‍वयाच्‍वना।

यूहन्‍ना 3:27

वं लिसः बिल – “परमेश्‍वरं मबीकं सुनानं छुं नं काये फइ मखु।

प्रेरित 18:24

छन्‍हु अलेक्‍जेन्‍ड्रियाय् बूम्‍ह अपोल्‍लोस धाःम्‍ह छम्‍ह यहूदी एफिससय् वल। व तसकं ज्ञां दुम्‍ह व धर्मशास्‍त्रयागु खँ बांलाक स्‍यूम्‍ह खः।

प्रेरित 19:1

अपोल्‍लोस कोरिन्‍थय् हे दनिबलय् पावल थाय् थासय् जुयाः एफिससय् थ्‍यंकः वल। अन वं चेलातय्‌त नापलात।

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 16:12

किजा अपोल्‍लोसयात जिं मेपिं दाजुकिजापिं नाप आम्‍कन छ्वयाहयेत तःकः धायेधुन, अय्‌नं वं वये मंमदय्‌का च्‍वन। लिपा लात धाःसा व वइ।

१ कोरिन्‍थी 3:10

परमेश्‍वरया दया मायां यानाः जिं सःम्‍ह दकःमिं थें जग स्‍वना बिया, अले थ्‍व हे जगय् मेम्‍ह मनुखं छेँ दना वनी। छेँ दनिम्‍हय्‌सिनं गथे यानाः दनेमाः धकाः बांलाक बिचाः यायेमाः।

१ कोरिन्‍थी 3:22

पावल, अपोल्‍लोस व पत्रुस, अले थ्‍व संसार, जीवन व मृत्‍यु, अले जुयाच्‍वंगु ई व लिपा वइगु ई, दक्‍व फुक्‍क छिमिगु हे खः।

१ कोरिन्‍थी 3:7

उकिं पुसा प्‍यूम्‍ह मनू व लः ब्‍यूम्‍ह मनू छुनं मखु, तर तमा यानादीम्‍ह परमेश्‍वर हे खः।

१ कोरिन्‍थी 9:17

जिं थःम्‍हं हे थ्‍व ज्‍या यानागु जूसा जितः ज्‍याला दइ। अथे मखुसे थ्‍व ज्‍या परमेश्‍वरं जितः लः ल्‍हानादीगुलिं जिं थथे याये हे माः।

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।

२ कोरिन्‍थी 3:6

उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

२ कोरिन्‍थी 5:18

थथे यानादीम्‍ह परमेश्‍वर हे खः। ख्रीष्‍टपाखें वय्‌कलं झीत थःनाप मिलय् यानाः मेपिन्‍त नं वय्‌कः नाप मिलय् याकेगु ज्‍या जिमिगु ल्‍हातय् बियादीगु दु।

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:25

परमेश्‍वरं हे जितः वय्‌कःयागु वचन छिमित स्‍यनेकने यायेत मण्‍डलीया च्‍यः यानादिल।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

१ पत्रुस 4:10

परमेश्‍वरं छिमित थीथी कथंया वरदान बियादीगु दु। उकिं थःथपिन्‍त बियातःगु वरदान छ्यलाः मेपिन्‍त ग्‍वाहालि या।