१ कोरिन्‍थी 3:16 - नेवाः बाइबल

¹⁶ छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

१ कोरिन्‍थी 3:16 ပူးပေါင်းရင်းမြစ်များ

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

रोमी 6:16

दासतय्‌सं मालिकयात मानय् याःथें छिमिसं सुयात मानय् यात छिपिं वया हे दास जुइ, नरकय् यंकीगु पापयात मानय् याःगु छाये मजुइमा, अथवा परमेश्‍वरया न्‍ह्यःने धर्मी ठहरय् जुइत मानय् याःगु छाये मजुइमा, छुं पाइ मखु।

रोमी 6:3

झी फुक्‍कसिनं ख्रीष्‍ट येशूयागु नामं बप्‍तिस्‍मा कयागुलिं झीसं बप्‍तिस्‍मा कयाबलय् झीपिं नं वय्‌कः थें तुं सी धुंकल धकाः छिमिसं मस्‍यू ला?

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

रोमी 8:9

धात्‍थें परमेश्‍वरयागु आत्‍मा छिमिके दु धयागु जूसा शरीरयात यःथें यानाजुइपिं मखु, बरु आत्‍मायात यःथें यानाजुइपिं छिपिं खत, अले ख्रीष्‍टयागु आत्‍मा मदुम्‍ह मनू ख्रीष्‍टयाम्‍ह मनू जुइ फइ मखु।

१ कोरिन्‍थी 3:17

अय्‌जूगुलिं सुनानं परमेश्‍वरयागु देगः स्‍यंकल धाःसा वयात नं परमेश्‍वरं स्‍यंकादी। वय्‌कःयागु देगः पवित्र जुइमाः। अले परमेश्‍वरयागु देगः छिपिं हे खः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

१ कोरिन्‍थी 5:6

छिमिसं थज्‍याःगु खँय् तःधंछुया जुइगु बांलाःगु खँ मखु। न्‍हायातःगु छ्वचुंलय् सोडा भचा जक ल्‍वाकछ्याःसां फ्‍वंगाया वइ धकाः छिमिसं मस्‍यू ला?

१ कोरिन्‍थी 6:16

धर्मशास्‍त्रय् “थुपिं निम्‍हं छम्‍ह हे जुइ” धकाः च्‍वया तः थें वेश्‍यानाप द्यनीम्‍ह मनूयागु म्‍ह वेश्‍यायागु म्‍ह नाप छम्‍ह हे जुइ धकाः छिमिसं मस्‍यू ला?

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

१ कोरिन्‍थी 6:9

मभिंपिं मनूतय्‌त परमेश्‍वरयागु राज्‍यय् दुकाइ मखु धकाः छिमिसं मस्‍यू ला? थःम्‍हं थःत थगय् याये मते, छाय्‌धाःसा व्‍यभिचार यानाजुइपिं, मूर्ति पुजा यानाजुइपिं, थः कलाः दय्‌कं कर्पिनि कलाःलिसे व्‍यभिचार यानाजुइपिं, मिजं मिजं हे व्‍यभिचार यानाजुइपिं,

१ कोरिन्‍थी 9:13

देगलय् सेवा याइपिन्‍सं देगलय् हे नयेदइ, अले बलि बी थाय् सेवा याइपिन्‍सं नं बलिं थःगु ब्‍ब काये दइ धकाः छिमिसं सि हे स्‍यू।

१ कोरिन्‍थी 9:24

ब्‍वाँय् वनेगु कासाय् फुक्‍क मनूत ब्‍वाँय् वनी, तर न्‍हापांगु सिरपाः धाःसा छम्‍हय्‌सित जक दइ धकाः छिमिसं मस्‍यू ला? उकिं सिरपाः कायेत ब्‍वाँय् वनेगु कुतः याना च्‍वँ।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

२ तिमोथी 1:14

झीगु दुने च्‍वनादीम्‍ह पवित्र आत्‍मायागु ग्‍वाहालिं छन्‍त लःल्‍हाना बियातःगु सत्‍य खँयात बांलाक नुगलय् तयाति।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ यूहन्‍ना 4:12

परमेश्‍वरयात सुनानं खंगु मदुनि। तर झी थःथवय् माया याना च्‍वंसा वय्‌कः झीगु नुगलय् च्‍वनादी। अले वय्‌कःयागु मायां झी जाइ।