१ कोरिन्‍थी 3:12 - नेवाः बाइबल

¹² थ्‍व हे जगय् गुम्‍हय्‌सिनं लुँ, वहः, मू वंगु ल्‍वहं तयाः छेँ दनी, अथे हे गुम्‍हय्‌सिनं सिँ, घाँय्, व सुयागु छेँ दनी।

१ कोरिन्‍थी 3:12 ပူးပေါင်းရင်းမြစ်များ

भजनसंग्रहया सफू 119:72

छिं स्‍यनातःगु खँ जिगु निंतिं लुँ व वहःयागु द्वलंद्वः कुचा स्‍वयाः मू वं।

भजनसंग्रहया सफू 19:10

थुपिं लुँ स्‍वयाः अप्‍वः यइपुसे च्‍वं भिंगु लुँ स्‍वयाः अप्‍वः, अले कस्‍ति स्‍वयाः अप्‍वः चाकुसे च्‍वं, हाप्‍वलं पिहां वःगु कस्‍ति स्‍वयाः अप्‍वः चाकुसे च्‍वं।

प्रस्‍थान 5:12

उकिं मनूत छ्वालि मालेत मिश्र देश न्‍यंकं उखेंथुखें जुल।

हितोपदेश 16:16

लुँ दइगु स्‍वयाः बुद्धि दइगु गुलि बांलाः, अले वहः दइगु स्‍वयाः भिंगु न्‍याय दइगु गुलि बांलाः।

हितोपदेश 30:6

वय्‌कःया वचनय् छुं हे तने मते। मखुसा वय्‌कलं छन्‍त ब्‍वःबी, अले छन्‍त फताहा धकाः क्‍वःछिनादी।

हितोपदेश 8:10

वहःया थासय् जिगु उपदेशयात ल्‍य, लुँया थासय् ज्ञानयात ल्‍य।

यशैया 60:17

कँय्‌या पलेसा लुँ अले नँया पलेसा वहः जिं हये। सिँया पलेसा कँय् अले ल्‍वहंया पलेसा नँ हये। शान्‍तियात छंगु राज्‍य व धार्मिकतायात छंगु शासक दय्‌काबी।

यर्मिया 23:28

सुं अगमवक्तां म्‍हगस खंगु दुसा वं वयागु म्‍हगस कनेमा, तर सुयाके जिगु वचन दु वं जिगु वचन खःकथं कनेमा। जि, परमप्रभुं धाये, छ्वालिनापं छ्वयागु छु स्‍वापु?

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

रोमी 16:17

यःपिं दाजुकिजापिं, छिमित स्‍यनागु शिक्षा नाप पाय्‌छि मजुइक अःखतं ल्‍वापु याकेत व मनूतय्‌गु विश्‍वास स्‍यंकेत स्‍वइपिं नाप होश‍ यानाच्‍वँ। इपिंपाखें तापाक च्‍वँ।

१ कोरिन्‍थी 3:11

परमेश्‍वरं तयादीगु थ्‍व छगू हे जक जग येशू ख्रीष्‍ट खः। सुनानं मेगु जग तये फइ मखु।

१ कोरिन्‍थी 3:13

सुनां बांलाक ज्‍या यात, सुनां बांमलाक ज्‍या यात धकाः ख्रीष्‍ट न्‍याय यायेत झायादीबलय् जाँचय् यानादी। छाय्‌धाःसा उबलय् फुक्‍क मनूतय्‌गु ज्‍या मिइ तयाः जाँचय् याइ।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

कलस्‍सी 2:8

होश‍ यानाच्‍वँ। मखुसा मनूतय्‌गु ज्ञान व बुद्धियागु फय्‌गं खं छिमित स्‍यंकी। थज्‍याःगु खँ ख्रीष्‍टपाखें वःगु मखु, बरु मनूतय्‌गु हे थितिकुति व संसारयापाखें वःगु खः।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

२ तिमोथी 2:20

ततःधंपिनिगु छेँय् लुँ, वहःयागु थलबल जक मखु, चायागु व सिँयागु थलबल नं दयाच्‍वनी। गुगुं थलबल भ्‍वय्‌बलय् जक छ्यली, गुगुं थलबल मेबलय् छ्यली।

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

२ तिमोथी 3:7

थ्‍व मिसातय्‌सं स्‍यनाः सय्‌का कायेत यक्‍व स्‍वइ। अय्‌नं सत्‍य छु खः धकाः गुब्‍सं सीके फइ मखु।

२ तिमोथी 4:3

भिंगु खँ धाल धाःसा सह हे मयाइगु ई नं वइतिनि। इमिसं थःम्‍हं मनं तुं थें ज्‍याःगु खँ स्‍यनेकने याइपिं गुरु तइ, अले थःत यःयःगु जक खँ न्‍यना च्‍वनी।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

प्रकाश 21:18

पःखाः जास्‍परं दय्‌कातःगु खः। शहर न्‍हाय्‌कं थें यचुसे च्‍वंगु लुं दय्‌कातःगु खः।

प्रकाश 3:18

उकिं छिमिसं तःमि जुइत मिइ दायातःगु लुँ, अले थःगु पचिनांगागु म्‍हया मछाः तंकेत तुयुगु लं, व मिखाय् तयेत मलम जिके न्‍या धकाः जिं सल्‍लाह बियाच्‍वना।