7 जिं परमेश्वरयागु हे गुप्ति ज्ञानया खँ ल्हाना च्वना। थ्व संसार हे मदुनिबलय् निसें परमेश्वरं झीगु महिमाया निंतिं थ्व ज्ञान झीत ल्ययातःगु खः। थ्व ज्ञान मनूतपाखें सुलाच्वंगु गुप्ति खँ खः।
तर आः दक्वसिबय् लिपा वय्कः थः काय्पाखें झीपिंलिसें नवानादीगु दु। काय्यात हे वय्कलं फुक्क सृष्टिया हामा यायेत ल्ययादिल। वय्कःपाखें हे थ्व संसारयागु सृष्टि यानादिल।
जि नं छम्ह मण्डलीयाम्ह थकालि खः। उकिं आम्कन च्वंगु मण्डलीयापिं थकालिपिन्त नं थ्व न्वानाखँ च्वया हयाच्वनागु खः। ख्रीष्टं दुःख सियाः सिनादीगु नं जिं खनागु दु। येशू ख्रीष्ट झायादीबलय् जि नं वय्कः नाप तःधनी।
थथे दुःखकष्ट सीधुंकाः झी परमेश्वरं छिमित सःताः भिंका व बल्लाकादी। थ्व हे भिंम्ह दया माया दुम्ह परमेश्वरं येशू ख्रीष्टयात झीथाय् छ्वयाहयाः वय्कः नाप स्वर्गय् च्वनेत झीत सःतादीगु खः।
पवित्र जुयाः म्वायेत माःगु फुक्क खँ झीसं परमेश्वरया शक्तिं हे कयाच्वनागु दु, छाय्धाःसा थःगु इज्जत व गुण बीत सःतादीम्ह परमेश्वरयात झीसं म्हस्यू।