१ कोरिन्‍थी 2:6 - नेवाः बाइबल

⁶ अय्‌नं परमेश्‍वरयागु खँ बांलाक सीके थुइके धुंकूपिन्‍त धाःसा जिं ज्ञानयागु खँ ल्‍हाना च्‍वना। थ्‍व खँ धाःसा संसारय् च्‍वंपिनिगु मखु, शासन याना च्‍वंपिनिगु नं मखु। इपिं याकनं नाश जुयावनी।

१ कोरिन्‍थी 2:6 ပူးပေါင်းရင်းမြစ်များ

अय्‍यूब 1:1

ऊज देशय् अय्‍यूब नांयाम्‍ह छम्‍ह मनू दु। व छुं दोष मदुम्‍ह, स्‍वजाम्‍ह व परमेश्‍वरयागु भय काइम्‍ह मनू खः, अले व मभिंपाखें न्‍ह्याबलें तापाक्‍क हे च्‍वनीगु।

अय्‍यूब 12:19

वय्‌कलं पुजाहारीतय्‌त इमिगु पदं लिकया मछाले माय्‌काबी, यक्‍व दंनिसें अधिकार यानाच्‍वंपिन्‍त वय्‌कलं लिकयादी।

अय्‍यूब 12:21

वय्‌कलं शासकतय्‌के अपमान प्‍वंकादी, अले बल्‍लाःपिन्‍त ल्‍वाभः मदुपिं यानाबी।

भजनसंग्रहया सफू 146:4

इपिं सीबलय् चाय् लिहांवनी। उखुन्‍हु इमिगु फुक्‍क ग्‍वसाः नाश जुइ।

भजनसंग्रहया सफू 33:10

परमप्रभुं जातितय्‌गु फुक्‍क ग्‍वसाः चुंदंकाबी, अले इमिसं क्‍वःछिनातःगु ज्‍याखँयात पनादी।

भजनसंग्रहया सफू 37:37

दोष मदुम्‍ह मनूयात बिचाः या, अले भिंम्‍ह मनूयात बांलाक स्‍व, मिलय्‌चलय् जुयाच्‍वनिपिं मनूतय् सन्‍तान दइ।

यशैया 40:23

वय्‌कलं शासकतय्‌त ज्‍यालगय् मजुइकादी, अले पृथ्‍वीइ च्‍वंपिं शासकतय्‌त छुं नं मखुपिं यानाः क्‍वकयादी।

मत्ती 13:22

परमेश्‍वरयागु वचन न्‍यनाः नं धन सम्‍पत्तियागु माया कयाजुइपिं व संसारयागु खँय् च्‍यूताः तया जुइपिं मनूत कंमा दुथाय् लाःगु पुसा थें खः। थुमिसं परमेश्‍वरयागु वचनयात गुम्‍से यानाबी। अले थुकिं अन्‍न सय्‌की मखु।

मत्ती 19:21

अले वय्‌कलं धयादिल – “सिद्ध जुइगु खःसा वनाः थःके दुगु फुक्‍कं मियाः नये मखंपिन्‍त इनाब्‍यु। अले छन्‍त स्‍वर्गय् धनसम्‍पत्ति दइ। थुलि याये धुंकाः जिनापं वा।”

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

लूका 16:8

“व मभिंम्‍ह दांभरिंनं अथे चलाखि ज्‍या याःगुलिं वया मालिकं वयागु तारिफ यात। थुकिं सीदत, थ्‍व संसारयापिं मनूत थःत माल धायेवं चलाख जुइ सः, तर परमेश्‍वरया मनूत धाःसा अथे मखुगुलिइ चलाख जुयाः सना जुइ मसः।

१ कोरिन्‍थी 1:28

संसारय् च्‍वंपिं मनूतय्‌सं चिधं धाःगु, क्‍वह्यंकातःगु व ज्‍यालगय् मजू धयातःगुयात परमेश्‍वरं ल्‍ययादिल। संसारं तःधं ताय्‌कूपिन्‍त नाश यायेत परमेश्‍वरं इमित ल्‍ययादीगु खः।

१ कोरिन्‍थी 12:8

अले थ्‍व हे पवित्र आत्‍मां छम्‍हय्‌सित बुद्धि बियादीसा मेम्‍हय्‌सित ज्ञान बियादी।

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

१ कोरिन्‍थी 2:1

यःपिं दाजुकिजापिं, परमेश्‍वरयागु भिंगु खँ न्‍यंकेत छिमिथाय् वयाबलय् जिं यक्‍व ब्‍वना तयागु दु धकाः मक्‍यना, अले हानं ततःहाकय्‌क नवानाः ह्यय्‌केत मस्‍वया।

१ कोरिन्‍थी 2:13

अय्‌जूगुलिं जिमिसं मनूतय्‌गु बुद्धिं स्‍यंगु खँ नमवाना। पवित्र आत्‍मां स्‍यनादीगु खँ जक वय्‌कःयागु आत्‍मा दुपिं छिपिं विश्‍वासीतय्‌त कनागु खः।

१ कोरिन्‍थी 2:8

थ्‍व संसारया जुजुपिं छम्‍हय्‌सिनं हे थ्‍व ज्ञान मथू। इमिसं थ्‍व ज्ञान थूगु जूसा दकलय् तःधंम्‍ह प्रभुयात क्रूसय् नकिं तानाः स्‍याइ मखुगु।

१ कोरिन्‍थी 3:1

यःपिं दाजुकिजापिं, परमेश्‍वरयागु खँ बांलाक स्‍यूपिं मनूत नाप थें छिपिंनाप जिं खँ ल्‍हाये मफुत। नकतिनि नकतिनि जक ख्रीष्‍टयात विश्‍वास याःपिं थ्‍व संसारयापिं मनूत नाप खँ ल्‍हाये थें जक ल्‍हाना च्‍वना।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

२ कोरिन्‍थी 4:3

जिमिसं न्‍यंका जुयागु भिंगु खँ नाश जुइपिनिगु लागि जक त्‍वपुयातःगु दु।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

हिब्रू 5:14

दुधंगु नसा ला तःधिकःपिनिगु निंतिं खः। इमिसं थःगु अनुभवं भिंगु छु खः, मभिंगु छु खः धकाः बांलाक ल्‍यये फइ।

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,

याकूब 3:15

थज्‍याःगु बुद्धि परमेश्‍वरपाखें वःगु मखु। थज्‍याःगु बुद्धि ला संसारं ब्‍यूगु, अले शैतानपाखें वःगु खः।

याकूब 3:2

झी फुक्‍कसिनं अप्‍वः यानाः द्वंके यः। मद्वंकुसे नवाये फुम्‍ह मनू हे जक सिद्धम्‍ह जुइ। थज्‍याःम्‍ह मनुखं जक थःगु म्‍हयात लके हने फइ।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।