१ कोरिन्‍थी 2:4 - नेवाः बाइबल

⁴ भिंगु खँ न्‍यंका च्‍वनाबलय् जिगु म्‍हुतुं थःगु ज्ञान व चलाखि खँ पिहां मवः। पवित्र आत्‍मायागु शक्तिं जक जिं नवानागु खः।

१ कोरिन्‍थी 2:4 ပူးပေါင်းရင်းမြစ်များ

हितोपदेश 20:19

अप्‍वः खँ ल्‍हाना जुइपिन्‍सं खँ कथुइ थाकातये फइ मखु। उकिं, अप्‍वः खँ ल्‍हानाजुइपिंलिसे तापाक हे च्‍वँ।

हितोपदेश 7:21

थुकथं वं व मिजंयात थःगु जालय् क्‍यंकल। व नं व मिसायागु पिचुगु खँय् क्‍यन।

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

इजकिएल 13:6

इमिगु दर्शनत धात्‍थेंगु मखु व इमिगु ज्‍वखना फताहा खः। इमिसं धाइगु, “परमप्रभुं धयादी,” तर परमप्रभुं इमित छ्वयाहयादीगु हे मखु। अय्‌नं इमिसं इमिगु वचन पूरा जुइ धकाः आसा याइ।

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

प्रेरित 26:28

अले अग्रिपासं पावलयात धाल – “थुलि याकनं छं जितः नं ख्रीष्‍टियन यायेत स्‍वयागु ला?”

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

१ कोरिन्‍थी 1:17

ख्रीष्‍टं जितः बप्‍तिस्‍मा बीत छ्वयाहयादीगु मखु, बरु भिंगु खँ न्‍यंकेत छ्वयाहयादीगु खः। थथे भिंगु खँ थःगु बुद्धिं न्‍यंकागु मखु। मखुसा ख्रीष्‍ट क्रूसय् सिनाः शक्ति क्‍यनादीगु सितिं वनी।

१ कोरिन्‍थी 2:1

यःपिं दाजुकिजापिं, परमेश्‍वरयागु भिंगु खँ न्‍यंकेत छिमिथाय् वयाबलय् जिं यक्‍व ब्‍वना तयागु दु धकाः मक्‍यना, अले हानं ततःहाकय्‌क नवानाः ह्यय्‌केत मस्‍वया।

१ कोरिन्‍थी 2:13

अय्‌जूगुलिं जिमिसं मनूतय्‌गु बुद्धिं स्‍यंगु खँ नमवाना। पवित्र आत्‍मां स्‍यनादीगु खँ जक वय्‌कःयागु आत्‍मा दुपिं छिपिं विश्‍वासीतय्‌त कनागु खः।

१ कोरिन्‍थी 4:20

छाय्‌धाःसा परमेश्‍वरयागु राज्‍य खँय् मखु, बरु शक्तिइ दु

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

कलस्‍सी 2:4

अय्‌जूगुलिं जिं छिमित धाये – न्‍ह्याक्‍व हे बांलाःसां मभिंगु खं तापाक हे च्‍वँ।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

१ पत्रुस 1:12

अले परमेश्‍वरं व अगमवक्तातय्‌त थ्‍व खँ इमिगु निंतिं जुइ मखु, लिपा छिमिगु निंतिं जुइ धकाः धयादिल। स्‍वर्गं छ्वयाहःगु पवित्र आत्‍मापाखें भिंगु खँ न्‍यंकीपिन्‍सं छिमित आः न्‍यंकाच्‍वंगु खँयात स्‍वर्गदूततय्‌सं आः तकं थुइकेत स्‍वयाच्‍वंगु दु।

२ पत्रुस 1:16

जिमिसं येशू ख्रीष्‍टयागु तःधंगु शक्ति व वय्‌कः हानं झायादी तिनि धकाः छिमित धयागु खँ मनूतय्‌सं कंगु बाखं मखु। वय्‌कः गुलि तःधं धकाः जिमिगु मिखां हे खनागु दु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

न्‍यायकर्ता 14:15

प्‍यन्‍हु दुखुन्‍हु इमिसं शिमशोनया कलाःयात धाल, “छिमि भाःतयात जिमित व क्‍वाःया लिसः कनेत ह्यय्‌की, मखुसा जिमिसं छन्‍त व छिमि बाःयागु छेँयात मिं च्‍याकाबी। छु छं जिमित चीमि यायेत सःतागु ला?”

न्‍यायकर्ता 16:5

पलिश्‍तीतय् शासकत व मिसायाथाय् वनाः धाल, “शिमशोनयात ह्यय्‌काः वयागु तःधंगु बलया रहस्‍य छु खः अले गथे यानाः वयात बसय् तयाः ची फइ व खँ सीकि। अले जिपिं सकसियागुपाखें नं छन्‍त झिंछसः झिंछसः वहःयागु कुचात बी।”