१ कोरिन्‍थी 2:3 - नेवाः बाइबल

³ जि आम्‍कन वयाबलय् कमजोर जुयाः ग्‍याःगुलिं थरथर खात।

१ कोरिन्‍थी 2:3 ပူးပေါင်းရင်းမြစ်များ

यशैया 19:16

व दिंखुन्‍हु मिश्रीत मिसात थें कमजोर जुइ। दक्‍व शक्ति दुम्‍ह परमप्रभुं इमित सजाँय बीत ल्‍हाः ल्‍ह्वनादीगु खनाः मिश्रीत तसकं ग्‍यानाः थरथर खाइ।

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

प्रेरित 18:1

अनंलि पावल एथेन्‍सं न्‍यासि वनाः कोरिन्‍थय् थ्‍यंकः वल।

प्रेरित 18:12

गलियोन अखैयायाम्‍ह तःधंम्‍ह शासक जुयाच्‍वंबलय् छन्‍हु यहूदीतय् नायःतय्‌सं मुनाः पावलयात ज्‍वनाः अदालतय् हयाः थथे धाल –

प्रेरित 18:6

यहूदीतय् नायःतय्‌सं वयात विरोध यानाः तसकं बेइज्‍जत यात। अले वं थःगु लनय् च्‍वंगु धू थाथा यानाः इमित थथे धाल – “छिकपिं नाश जुल धाःसा थुकिया दोष छिकपिन्‍त हे लाइ, जितः लाइ मखु। आवंलि यहूदीमखुपिन्‍थाय् वनाः न्‍यंके।”

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

२ कोरिन्‍थी 13:9

जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

२ कोरिन्‍थी 4:16

उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

२ कोरिन्‍थी 7:15

छिमिसं वयात ग्‍याग्‍यां जूसां लसकुस यात, अले वं धाःगु खँ न्‍यनेत छिपिं फुक्‍क न्‍ह्यचिल। उकिं वं छिमित तसकं माया यानाच्‍वंगु दु।

२ कोरिन्‍थी 7:5

माकेडोनियाय् वयाः नं जिमित सुख दुगु मखु। अन न्‍ह्याथासं नं दुःखकष्‍ट जक जूवल। पिने ल्‍वापु, दुने भय हे भय दु।

एफिसी 6:5

दासतय्‌सं थः मालिकयागु आज्ञायात मनय् ग्‍याःभय तयाः ख्रीष्‍टयागु आज्ञा थें ताय्‌काः मानय् यायेगु या।