१ कोरिन्‍थी 16:9 - नेवाः बाइबल

⁹ थन जिगु विरोधीत यक्‍व दुसां जिं थन तसकं हे तःधंगु ज्‍या पूवनीगु खना।

१ कोरिन्‍थी 16:9 ပူးပေါင်းရင်းမြစ်များ

प्रेरित 14:27

एन्‍टिओखियाय् थ्‍यंकाः इमिसं मण्‍डलीइ च्‍वंपिं विश्‍वासीत मुंकाः परमेश्‍वरं इपिं नाप च्‍वनादियाः गुलि ज्‍या यानादिल, अले यहूदीमखुपिन्‍त नं विश्‍वास यायेगु लँ क्‍यनादिल धकाः फुक्‍क खँ कन।

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

२ कोरिन्‍थी 1:6

जिमिसं दुःखकष्‍ट सियाच्‍वनागुलिं छिमित सान्‍त्‍वना व मुक्ति दइ। परमेश्‍वरं जिमित सान्‍त्‍वना बियादिल धाःसा छिमित नं सान्‍त्‍वना दइ। अथे हे दुःखकष्‍ट जुइबलय् जिमित थें छिमित नं सह याये फइगु शक्ति दइ।

२ कोरिन्‍थी 2:12

ख्रीष्‍टयागु भिंगु खँ न्‍यंकेत जि त्रोआसय् वयाबलय् अन ज्‍या यायेत प्रभुं जितः लुखा चाय्‌कादिल।

फिलिप्‍पी 3:18

जिं छिमित न्‍हापा नं तःकः मछि धायेधुन। आः नं मिखाय् ख्‍वबि तयाः जिं धयाच्‍वना – ख्रीष्‍टयागु क्रूसया शत्रु जुयाच्‍वंपिं नं यक्‍व हे दु।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।