१ कोरिन्‍थी 16:2 - नेवाः बाइबल

² छिमिसं थःम्‍हं कमय् यानागुलिं लिकयाः गुलि बी फु उलि आइतबार पतिकं बियाः मुंका ति। थथे याःसा जि आम्‍कन वयेबलय् भेटी कयाच्‍वने माली मखु।

१ कोरिन्‍थी 16:2 ပူးပေါင်းရင်းမြစ်များ

उत्‍पत्ति 26:12

इसहाकं अन बुँ ज्‍यात। अले उगु दँय् वं सच्‍छिब्‍व अप्‍वः सय्‌काः बाली लल, छाय्‌धाःसा परमप्रभुं वयात आशिष बियादीगु खः।

उत्‍पत्ति 30:27

लाबानं वयात धाल, “छं जितः माया वं धयागु खःसा थन हे च्‍वँ। परमप्रभुं जितः छंगुपाखें आशिष बियादीगु दु धकाः जिं सीके धुन।

उत्‍पत्ति 30:30

जि वये न्‍ह्यः छिके यक्‍व मदु। आः छिके यक्‍व दये धुंकल। जिं ल्‍हाः तःथाय् तक्‍क परमप्रभुं छितः आशिष बियादीगु दु। आः धाःसा जिं थःगु हे परिवारया लागि छुं व्‍यवस्‍था यायेमाः।”

उत्‍पत्ति 32:10

छिं थः दासयात क्‍यनादीगु दया माया व विश्‍वासया निंतिं जि मल्‍वः। छाय्‌धाःसा यर्दन खुसि छिनाबलय् जिके कथि छपु जक दुगु खः, आः जिके मनूतय्‌गु व पशुतय्‌गु निगू ततःधंगु पुचः दु।

उत्‍पत्ति 33:11

आः जिं छिगु लागि धकाः हयागु थ्‍व कोसेलि कयादिसँ। परमेश्‍वरं दया यानाः जितः माक्‍व बियादीगु दु।” थुकथं याकूबं एसावं मकातले कर यानाच्‍वन।

२ इतिहास 31:10

सादोकया परिवारयाम्‍ह तःधंम्‍ह पुजाहारी अजर्याहं लिसः बिल, “मनूतय्‌सं थःगु देछा देगलय् छाये हःबलय् निसें जिमित नयेत गाक्‍क दत अले ल्‍यंगु नं दु। परमप्रभु थः प्रजायात सुवाः बियादीगुलिं थुलिमछि ल्‍यंगु नं दु।”

मर्कूस 14:8

थ्‍व मिसां जिगु निंतिं थःम्‍हं याये फुगु यात। जिगु म्‍हयात थुनेत वं न्‍ह्यः हे चिकनं लुनाबिल।

लूका 16:10

“चिधंगु खँय् विश्‍वास याये बहःम्‍ह मनू तःधंगु खँय् नं विश्‍वास याये बहःम्‍ह जुइ। अथे हे चिधंगु खँय् बेइमान जुइम्‍ह मनू तःधंगु खँय् नं बेइमान जुइ।

लूका 24:1

आइतबार खुन्‍हु सुथ न्‍हापां इपिं मिसात थःपिन्‍सं दय्‌कूगु मलम ज्‍वनाः चिहानय् वन।

यूहन्‍ना 20:19

आइतबार खुन्‍हु बहनी चेलात यहूदीतय् नायःत खनाः ग्‍यानाः खापात तिनाः मुनाच्‍वंबलय् येशू अन झायाः इमिगु दथुइ दनाः थथे धयादिल – “छिमित शान्‍ति दयेमा।”

यूहन्‍ना 20:26

च्‍यान्‍हु लिपा, वय्‌कःया चेलात हानं खापा तिनाः छेँय् मुनाच्‍वन। थुबलय् अन थोमा नं दु। खापा तिनातःथाय् हे दुहां झायाः येशूं इमिगु दथुइ दनाः थथे धयादिल – “छिमित शान्‍ति दयेमा।”

प्रेरित 20:7

आइतबार खुन्‍हु बहनी प्रभु भ्‍वय् नयेत जिपिं मुना। कन्‍हय् खुन्‍हु सुथय् हे वनेगु मतिइ तयाः पावलं इमित बाचा तक स्‍यनेकने यानाच्‍वन।

२ कोरिन्‍थी 8:10

दच्‍छि न्‍ह्यः छूगु ज्‍या पूवंकि धकाः जिं छिमित सल्‍लाह बियाच्‍वना। ग्‍वाहालि बीत जक मखु, छिपिं ज्‍या यायेगु इच्‍छा यायेत नं न्‍हापां जुल।

व्‍यवस्‍था 8:18

अय्‌नं परमप्रभु छिमि परमेश्‍वरयात लुमंकि! वय्‌कलं हे छिमि पुर्खालिसें चिनादीगु बाचा पूवंकादीत छिमित धन-सम्‍पत्ति दय्‌केत शक्ति बियादी।

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –