१ कोरिन्‍थी 15:9 - नेवाः बाइबल

⁹ उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

१ कोरिन्‍थी 15:9 ပူးပေါင်းရင်းမြစ်များ

प्रेरित 8:3

शाऊलं धाःसा विश्‍वासीतय्‌त स्‍यंका हे त्‍वःते धकाः छेँय् छेँय् वनाः विश्‍वासी मिसातय्‌त मिजंतय्‌त सातुसालाः यंकाः झ्‍यालखानाय् कुना बीगु यानाच्‍वन।

१ कोरिन्‍थी 10:32

छिमिसं यानाः यहूदीतय्‌त, यहूदीमखुपिन्‍त अले परमेश्‍वरयागु मण्‍डलीयात पंगः वय्‌के मते।

२ कोरिन्‍थी 11:5

थथःम्‍हं तःधना जुइपिं थुपिं प्रेरितत स्‍वयाः जि चिधं मजू थें च्‍वं।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

गलाती 1:13

न्‍हापा यहूदी धर्मकथं जुया च्‍वनाबलय् जि गज्‍याःम्‍ह खः धकाः ला छिमिसं बांलाक हे स्‍यू। परमेश्‍वरया मण्‍डलीयापिन्‍त जिं गुलि दुःखकष्‍ट व सास्‍ती बिया, अले थुमित नाश हे यानाछ्वयेत कुतः यानाम्‍ह नं जि हे खः।

गलाती 1:23

इमिसं थथे धाःगु जक न्‍यनातःगु खः – “न्‍हापा झीत दुःखकष्‍ट बिया जूम्‍ह, अले झीत नाश यायेत स्‍वःम्‍ह मनुखं हे आः भिंगु खँ न्‍यंका जुयाच्‍वंगु दु।”

फिलिप्‍पी 3:6

धर्मयागु ज्‍याखँय् नं जि विश्‍वासीतय्‌त दुःखकष्‍ट बीगुलिइ न्‍ह्यज्‍याना च्‍वनाम्‍ह खः। अले हानं जि यहूदीतय्‌गु थितिकुति मानय् यानाः धर्मी जुया च्‍वनाम्‍ह नं खः।