१ कोरिन्‍थी 15:4 - नेवाः बाइबल

⁴ धर्मशास्‍त्रय् च्‍वया तः थें सीम्‍ह ख्रीष्‍टयात थुनाबिल, अले स्‍वन्‍हु दय्‌काः हानं म्‍वाना झाल।

१ कोरिन्‍थी 15:4 ပူးပေါင်းရင်းမြစ်များ

भजनसंग्रहया सफू 16:8

जिं स्‍यू, परमप्रभु जिलिसें न्‍ह्याबलें दु। जितः छुकिं नं संके फइ मखु, छाय्‌धाःसा परमप्रभु जिलिसें दु।

भजनसंग्रहया सफू 2:7

जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल, ‘छ जिमि काय् खः, थनिनिसें जि छिमि बाः जुल।

होशे 6:2

निन्‍हु लिपा वय्‌कलं झीत हाकनं म्‍वाकादी। झीपिं वय्‌कःया न्‍ह्यःने हे म्‍वानाच्‍वनेमा धकाः स्‍वन्‍हु दुखुन्‍हु वय्‌कलं झीत हाकनं थनादी।

योना 1:17

परमप्रभुं योनायात नुनेत छम्‍ह तसकं तःधीम्‍ह न्‍या छ्वयाहयादिल। अले योना स्‍वन्‍हु व स्‍वचा तक व न्‍याया प्‍वाथय् दुने लात।

मत्ती 12:40

गथे योना न्‍यायागु प्‍वाथय् स्‍वन्‍हु स्‍वचा तक च्‍वन, अथे हे मनूया काय् नं पृथ्‍वीया दुने स्‍वन्‍हु स्‍वचा तक च्‍वनी।

मत्ती 16:21

उबलय् निसें येशूं चेलातय्‌त ध्‍वाथुइक धयादीगु यानादिल – “यरूशलेमय् वनाः जिं थकालिपिं, तःधंपिं पुजाहारीत व शास्‍त्रीतय्‌गु ल्‍हातं दुःखकष्‍ट फये मानि। लिपा इमिसं जितः स्‍यानाछ्वइ। अले स्‍वन्‍हु लिपा जि हानं म्‍वाना वये।”

मत्ती 20:19

अले वयात यहूदीमखुपिनिगु ल्‍हातय् लःल्‍हानाबी। इमिसं वयात गिजय् याइ, कोर्रां दाइ, अले क्रूसय् यख्‍खायाः स्‍याइ। स्‍वन्‍हु दय्‌काः व हानं म्‍वाना वइ।”

मर्कूस 9:31

छाय्‌धाःसा लँय् वँवं वय्‌कलं चेलातय्‌त थथे धकाः स्‍यनादिल – “मनूया काय्‌यात ज्‍वनाः मनूतय्‌गु हे ल्‍हातय् लः ल्‍हाइगु ई वइन। इमिसं वयात स्‍याइ, अले स्‍वन्‍हु दय्‌काः हानं म्‍वाना वइ।”

लूका 24:26

छु मुक्ति बीम्‍ह ख्रीष्‍टं थथे दुःख सियाः तिनि तःधं जुइगु मखु ला?”

लूका 24:46

वय्‌कलं धयादिल – “मुक्ति बीम्‍ह ख्रीष्‍ट सिनाः हानं स्‍वन्‍हु दय्‌काः म्‍वाना वयेमाः धकाः च्‍वयातःगु दु।

लूका 9:22

हानं धयादिल – “मनूया काय्‌नं यक्‍व हे दुःख सी मानि। थकालिपिं, तःधंपिं पुजाहारीत, व शास्‍त्रीतय्‌सं वयात मानय् याइ मखु, बरु वयात स्‍याइ, स्‍वन्‍हु लिपा व हानं म्‍वाना वइ।”

यूहन्‍ना 19:38

यहूदीतय् नायःत खनाः ग्‍यानाः दुनें दुनें जक विश्‍वास यानाच्‍वंम्‍ह अरिमाथियाय् च्‍वनाच्‍वंम्‍ह योसेफ धाःम्‍ह छम्‍ह चेला दु। थ्‍व हे चेलां वयाः पिलातसयाके येशूयागु सीम्‍ह फ्‍वन। पिलातसं नं “ज्‍यू” धकाः धाल। अले वं वनाः वय्‌कःयागु सीम्‍ह क्‍वकयाः यंकल।

प्रेरित 1:3

दुःख सीधुंकाः वय्‌कलं पिइन्‍हु तक धुवांधु इमिथाय् झायाः इमित परमेश्‍वरया राज्‍ययागु खँ कँकं वय्‌कः हानं म्‍वानावःगु खः धयागु यक्‍व ग्‍यसुलाःगु दसि क्‍यनादिल।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 6:4

थुकथं झीसं बप्‍तिस्‍मा कयाबलय् झीपिं नं वय्‌कः थें तुं सी धुंकूगुलिं वय्‌कः नाप झीत नं थुने धुंकल। थथे सीधुंकाः ख्रीष्‍टयात परमेश्‍वर बाःयागु अजू चाइपुगु शक्तिं म्‍वाकादीगुलिं झीपिं नं न्‍हूगु जीवनया पहलं म्‍वानाच्‍वनेमा।

कलस्‍सी 2:12

बप्‍तिस्‍मा काःबलय् छिमिसं थःत वय्‌कःनापं तुं थुन। अले सीम्‍ह ख्रीष्‍टयात म्‍वाकादीम्‍ह परमेश्‍वरयागु शक्तियात विश्‍वास याःगुलिं वय्‌कः नाप तुं हानं म्‍वानावःगु दु।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।