१ कोरिन्‍थी 15:3 - नेवाः बाइबल

³ धर्मशास्‍त्रय् च्‍वया तः थें ख्रीष्‍ट हे झीगु पापयागु निंतिं सिनादिल धकाः जितः धयादीगु तःधगुं खँ हे जिं छिमित कना बियागु खः।

१ कोरिन्‍थी 15:3 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

इजकिएल 3:17

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

लूका 24:25

अले वय्‌कलं धयादिल – “छिपिं ला मूर्ख मनूत जुयाच्‍वन खनी। अगमवक्तातय्‌सं धाःगु फुक्‍क खँय् विश्‍वास यायेत छिमिसं थाकु चायाच्‍वन।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

प्रेरित 17:2

पावलं न्‍हापालिपा थें अन वनाः स्‍ववाः तक विश्रामबार पतिकं धर्मशास्‍त्रयागु खँ कयाः इपिं नाप न्‍ह्यसः लिसः यात।

प्रेरित 3:18

थ्‍व ला परमेश्‍वरं न्‍हापां हे अगमवक्तातय्‌त मुक्ति बीम्‍ह ख्रीष्‍टं दुःख सी हे माः धकाः धाय्‌कादी थें पूवंकादीगु खः।

प्रेरित 8:32

वं ब्‍वनाच्‍वंगु सफूयागु ब्‍व थथे खः – “स्‍यायेत यंकूम्‍ह चीधिकःम्‍ह भ्‍याःचा थें वय्‌कलं छुं नवाना मदी। सँ चाकीबलय् फै सुम्‍क च्‍वंथें वय्‌कलं नं थःगु म्‍हुतुप्‍वाः तिनाच्‍वन।

रोमी 3:25

परमेश्‍वरं येशू ख्रीष्‍टयात प्रायश्‍चितया बलिदान याकाः वय्‌कःयागु हिं वय्‌कःयात विश्‍वास याक्‍वसिगु पाप क्षमा यानादिल। वय्‌कलं न्‍हापा न्‍हापायापिं मनूतय्‌गु पापया सजाँय मब्‍यूसे सह यानादिल।

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

१ कोरिन्‍थी 11:2

छिमिसं जितः लुमंका च्‍वंगुलिं व जिं स्‍यना थें च्‍वनाच्‍वंगुलिं छिमित स्‍याबास!

१ कोरिन्‍थी 11:23

प्रभुं हे जितः स्‍यनादीगु खँ जिं छिमित स्‍यना बियागु खः। येशूयात ज्‍वंकूगु चान्‍हय् वय्‌कलं मरि कयाः

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 1:12

सुं मनुखं थ्‍व खँ जितः ना धकाः ब्‍यूगु नं मखु, अले सुनानं थ्‍व खँ जितः स्‍यंगु नं मखु। थ्‍व भिंगु खँ जितः बियादीम्‍ह ला येशू ख्रीष्‍ट खः।

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

हिब्रू 5:1

परमेश्‍वरनापं स्‍वापु दुगु खँय् मनूतय्‌पाखें इमिगु पापया निंतिं बलि बित व छाय्‌छी यायेत न्‍हापा न्‍हापा मनूतय्‌गु हे पुचलं दकलय् तःधंम्‍ह पुजाहारी ल्‍यइगु खः।

हिब्रू 5:3

अय्‌जूगुलिं वं मेपिनिगु पापयागु निंतिं बलि बीबलय् थःगु हे पापयागु निंतिं नं बलि बीमाः।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।