१ कोरिन्‍थी 13:7 - नेवाः बाइबल

⁷ माया दुम्‍ह मनुखं न्‍ह्याबलें सह यानाच्‍वनी, न्‍ह्याबलें विश्‍वास याइ, न्‍ह्याबलें आशा यानाच्‍वनी, अले न्‍ह्याबलें मनयात थातं तयाच्‍वनी।

१ कोरिन्‍थी 13:7 ပူးပေါင်းရင်းမြစ်များ

उत्‍पत्ति 29:20

अले राहेलया निंतिं याकूबं न्‍हय्‌दँ तक अन हे ज्‍या यानाः च्‍वन। वं राहेलयात तसकं यय्‌कूगुलिं थ्‍व ई वयात चिहाकः थें ताल।”

अय्‍यूब 13:15

वय्‌कलं जितः स्‍याःसां तबि जिं वय्‌कःयाके भलसा काये। जिं धात्‍थें हे वय्‌कःया न्‍ह्यःने थःगु लँया रक्षा याये।

भजनसंग्रहया सफू 119:66

जितः ज्ञान व बुद्धिया खँ स्‍यनादिसँ, छाय्‌धाःसा जिं छिगु आज्ञायात विश्‍वास याना।

हितोपदेश 10:12

घृणां ल्‍वापु ह्वइ, मायां मभिंगु फुक्‍कं त्‍वपुयाबी।

मत्ती 10:22

थथे जिगु नामं यानाः छिमित फुक्‍कसिनं हेला याइ। दकलय् लिपा तकं क्‍वात्तुक विश्‍वास यानाः सह यानाच्‍वंम्‍ह बचय् जुइ।

मर्कूस 9:23

अले वय्‌कलं धयादिल – “जिं याये फु धकाः छं विश्‍वास याःसा मजी माःगु छु दु धकाः? विश्‍वास याःपिन्‍त ला फुक्‍कं जुइ।”

रोमी 15:1

थथे झी बल्‍लाःपिन्‍सं बमलाःपिन्‍त विश्‍वासी जुयाः म्‍वानाच्‍वनेत ग्‍वाहालि यायेमाः, झीत जक यःथें याना जुइ मज्‍यू।

रोमी 8:24

थ्‍व हे आशा यानाच्‍वनेत ला खः नि, झीत अनन्‍त जीवन बियादीगु। खनेदुगु आशा ला आशा हे मखु। खने दुगुयागु सुनानं आशा याइ ला?

१ कोरिन्‍थी 13:4

माया दुम्‍ह मनुखं सह यानाच्‍वनी व दया याइ। नुगः मुइकी मखु, थथःम्‍हं तुं तःधंछुया जुइ मखु, अले घमण्‍ड याइ मखु।

१ कोरिन्‍थी 9:12

मेपिन्‍सं ला छिमिके अथे कयाच्‍वंगु दु धासेंलि जिमिसं जक काये मथ्‍याः ला? जिमिसं ला छिमिके छुं कयागु मदुनि। ख्रीष्‍टयागु भिंगु खँ न्‍यंका जुइबलय् छुं पंगः मवय्‌मा धकाः जिमिसं थथे सह यानाच्‍वनागु खः।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।

व्‍यवस्‍था 1:9

उबले जिं छिमित धया, “जि याकःचां छिमिगु भार क्‍वबी मफु।

व्‍यवस्‍था 22:27

व ब्‍याहा क्‍वःछी धुंकूम्‍ह मिसामचा हाःसा नं सुं मनू मदुगु थासय् मभिं ज्‍या जूबलय् वयात बचय् याइम्‍ह अन सुं मदु।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ तिमोथी 2:24

प्रभुया च्‍यः जुयाः सुंनाप ल्‍वाः जुइ मज्‍यू, बरु फुक्‍कसितं माया याइम्‍ह, बांलाक स्‍यनेकने याये फुम्‍ह, न्‍ह्यागु खं सह याये फुम्‍ह,

२ तिमोथी 3:11

जितः गुलि दुःखकष्‍ट बिल, जिं गुलि सास्‍ती नये माल, एन्‍टिओखियाय्, आइकोनियनय् अले लुस्‍त्राय् जितः छु छु जुल धयागु फुक्‍कं छं स्‍यू। गज्‍याः गज्‍याःगु दुःखकष्‍ट जिं फये माल अले प्रभुं फुक्‍क दुःखकष्‍टं जितः बचय् याना तयादिल।

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

हिब्रू 13:13

अय्‌जूगुलिं झीपिं नं वय्‌कःया निंतिं हेला फयाः ध्‍वाखां पिने वय्‌कःयाथाय् वनेनु।

याकूब 1:12

दुःखकष्‍ट जुयाच्‍वंबलय् नं परमेश्‍वरयाके भरोसा तयाच्‍वंम्‍ह मनू धन्‍यम्‍ह खः। अथे दुःखकष्‍ट सीधुंकाः वयात परमेश्‍वरं वय्‌कःयात माया याःपिन्‍त बी धकाः धयादीगु जीवनयागु श्रीपेच बियादी।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 4:8

दक्‍वसिबय् तःधंगु ला, छिपिं थःथवय् दुनुगलंनिसें माया याना च्‍वँ, छाय्‌धाःसा मायां हे न्‍ह्यागु पापयात नं त्‍वपुया तइ।