१ कोरिन्‍थी 13:6 - नेवाः बाइबल

⁶ मभिंगु बांमलाःगु खँय् माया दुम्‍ह मनू लय्‌ताइ मखु, बरु सत्‍य खँय् लय्‌ताइ।

१ कोरिन्‍थी 13:6 ပူးပေါင်းရင်းမြစ်များ

भजनसंग्रहया सफू 10:3

दुष्‍टतय्‌सं थःपिनिगु मभिंगु इच्‍छाय् हे थःपिन्‍त तःधं ताय्‌काजुइ। इमिसं लोभीतय्‌त तःधंकाः खँ ल्‍हाइ, अले परमप्रभुयात क्‍वह्यंकी।

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

प्रस्‍थान 18:9

इस्राएलीतय्‌त मिश्रीतय्‌गु ल्‍हातं त्‍वःतकाः हयादीबलय् परमप्रभुं यानादीगु भिंगु ज्‍याखँ न्‍यनाः यित्रो तसकं लय्‌ताल।

हितोपदेश 14:9

मूर्खतय्‌सं थःपिनिगु पापया नं च्‍यूताः तइ मखु, भिंपिं मनूतय्‌सं थःपिनिगु पापया क्षमा माली।

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

होशे 4:8

मनूतय्‌सं हःगु शुद्ध जुइगु बलित पुजाहारीतय्‌सं नइ। उकिं मनूतय्‌सं पाप याइबलय् पुजाहारीत लय्‌ताइ।

होशे 7:3

“इमिसं थःगु दुष्‍ट ज्‍यां हे जुजुयात व थःगु मखुगु खं राजकुमारतय्‌त लय्‌ताय्‌की।

मीका 7:8

हे जिम्‍ह शत्रु, जितः हेस्‍यानाः लय्‌ताये मते। जि क्‍वःदसां हाकनं दनावये। जि खिउँथासय् दुसां परमप्रभु जिगु जः जुयादी।

मत्ती 18:13

जिं छिमित खःगु खँ धाये – तंम्‍ह फैचा लुइवं मतंपिं गुइगुम्‍ह फैचा स्‍वयाः नं तंम्‍ह फैचा खनाः व तसकं लय्‌ताइ।

लूका 22:5

इमिसं लय्‌लय्‌तायाः वयात धिबा बी धकाः धयाहल।

रोमी 1:32

थज्‍याःगु ज्‍याखँ यानाजुइपिं मनूतय्‌त परमेश्‍वरं नरकय् छ्वयादी धकाः वय्‌कःयागु आज्ञा सीक सीकं हे इमिसं थज्‍याःगु ज्‍याखँ जक याना जूगु मखु, थथे मभिंगु ज्‍याखँ यानाजुइपिंनापं छगू हे मन जुयाजुल।

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

फिलिप्‍पी 1:18

थथे न्‍ह्याम्‍हय्‌सिनं न्‍ह्यागुकथं न्‍यंका जूसां जि लय्‌ताः, छाय्‌धाःसा भिंगु मतिइ तयाः याःसां मभिंगु मतिइ तयाः याःसां ख्रीष्‍टयागु हे खँ न्‍यनावनी।

फिलिप्‍पी 1:4

छिमिगु निंतिं जिं न्‍ह्याबलें लय्‌लय्‌तातां प्रार्थना यानाच्‍वनागु दु।

फिलिप्‍पी 3:18

जिं छिमित न्‍हापा नं तःकः मछि धायेधुन। आः नं मिखाय् ख्‍वबि तयाः जिं धयाच्‍वना – ख्रीष्‍टयागु क्रूसया शत्रु जुयाच्‍वंपिं नं यक्‍व हे दु।

२ थेसलोनिकी 2:12

सत्‍य खँय् विश्‍वास मयासें मखुगु खँय् जक यःयःथें सना जुइकाः इमित सजाँय बीत वय्‌कलं थथे यानादीगु खः।

२ यूहन्‍ना 1:4

झी बाःनं धयादी थें आम्‍कन मण्‍डलीइ च्‍वंपिं गुलिं गुलिं मस्‍तय्‌सं सत्‍ययात मानय् यानाच्‍वंगु सियाः जि तसकं हे लय्‌तायाच्‍वनागु दु।