१ कोरिन्‍थी 13:5 - नेवाः बाइबल

⁵ माया दुम्‍ह मनू छुच्‍चा जुइ मखु, वं थः जक भिंकेगु स्‍वइ मखु, तंम्‍वय्‌की मखु, अले जुइ धुंकूगु बांमलाःगु व मभिंगु लुमंका तइ मखु।

१ कोरिन्‍थी 13:5 ပူးပေါင်းရင်းမြစ်များ

१ कोरिन्‍थी 10:24

थःत भिं जुइगु जक याना जुइ मते। मेपिंन्‍त भिं यायेगु नं स्‍वयेमाः।

याकूब 1:19

यःपिं दाजुकिजापिं, थ्‍व खँ ल्‍वःमंके मते – न्‍यनेगुलिइ चंख जु। बिचाः यानाः जक नवा, अप्‍वः तं पिकाये मते।

फिलिप्‍पी 2:21

येशू ख्रीष्‍टयागु च्‍यूताः हे मतसे मेपिं फुक्‍कं थथःगु स्‍वार्थया ज्‍याय् जक जुयाच्‍वंगु दु।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

गलाती 5:13

यःपिं दाजुकिजापिं, परमेश्‍वरं छिमित छुत्‍कारा बीत सःतादीगु खः। थः यःथें याना जुइ मते, बरु माया यानाः मेपिन्‍त ग्‍वाहालि बीगु या।

१ कोरिन्‍थी 12:25

अय्‌जूगुलिं म्‍हय् च्‍वंगु म्‍हब्‍वत अलग जुयाच्‍वनी मखु, बरु फुक्‍कं थःथवय् मिलय् जुयाच्‍वनी।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

१ कोरिन्‍थी 10:33

जिं यानाच्‍वना थें तुं छिमिसं नं यायेगु स्‍व। जिं थःत जक भिंकेगु मस्‍वसे न्‍ह्यागु याःसां कर्पिन्‍त निं भिंकेगु स्‍वयाच्‍वना। गथे यानाः इपिं फुक्‍कसिनं परमेश्‍वरयात विश्‍वास याये फइ धकाः मतिइ तयाः जिं फुक्‍कसितं भिनिगु ज्‍याखँ यानाच्‍वना।

१ कोरिन्‍थी 11:18

न्‍हापां ला जिं छिमि दथुइ ल्‍वापु दु धयागु खँ न्‍यना तयागु दु। थ्‍व खँ ला जितः नं खः थें च्‍वन।

मत्ती 5:22

तर जिं छिमित धाये – दाजुकिजापिंलिसे तंम्‍वइम्‍ह मनूयात नं सजाँय बी। सुनानं थः दाजुकिजानापं छुं म्‍वाय्‌क ल्‍वापु थल धाःसा वं तःधंगु सजाँय फयेमाली। अथे हे सुनानं थः दाजुकिजायात ‘ध्‍वादः’ धाल धाःसा व नरकयागु मिइ लाइ।

लूका 7:39

थ्‍व खनाः भ्‍वय् सःतूम्‍ह फरिसीं मनं मनं थथे खँ वाय्‌कल – “थ्‍व मनू अगमवक्ता खःसा ला वयात थिया च्‍वंम्‍ह मिसा सु खः, अले गज्‍याःम्‍ह खः धकाः सीके फयेमाःगु खः, छाय्‌धाःसा थ्‍व मिसा ला छम्‍ह पापीनी खः।”

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

२ थेसलोनिकी 3:7

जिमिसं यानाः थें यायेमाः धकाः ला छिमिसं सि हे स्‍यू। छिपिंनाप च्‍वनाबलय् जिमिसं भचा हे थाकु मचासे ज्‍या याना।

१ कोरिन्‍थी 7:36

सु मनुखं थःनापं ब्‍याहा क्‍वःछिनातःम्‍ह मिसानाप बांमलाःगु व्‍यवहार याःगु ताय्‌कूसा अले उम्‍ह मिसाया उमेर नं अप्‍वया वनाच्‍वंगु दुसा वं ब्‍याहा याये मास्‍ति वय्‌कूसा ब्‍याहा याये ज्‍यू। थुकी पाप मदु। इमिगु ब्‍याहा जुइ हे माः।

मत्ती 9:4

इमिगु मनय् च्‍वंगु खँ सीकाः वय्‌कलं थथे धयादिल – “छिमिसं छाय् मभिंगु खँ मतिइ तया जुयागु?

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

२ शमूएल 10:3

अम्‍मोनी नायःतय्‌सं थः मालिक हानूनयात धाल, “छिं स्‍वयादीबलय् दाऊदं छिमि बाःयात इज्‍जत यानाः बिचाः हनेत थुपिं मनूत छ्वयाहःगु धकाः च्‍वनादिया ला? अथे खः हे मखु। वं ला झीगु देश त्‍याकाकायेगु लागिं चिवा कायेत इमित छ्वयाहःगु खः।”

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

यर्मिया 11:19

जि ला स्‍याये यंकेत्‍यंम्‍ह छुं मस्‍यूम्‍ह चिधिकःम्‍ह भ्‍याःचा खः। इमिसं थथे धयाः जिगु हे विरोधय् जाः ग्‍वःगु खः धकाः जिं मस्‍यूगु जुल, “व सिमायात उकिया फलनापं नाश यायेनु! उकियात म्‍वाःपिनिगु थासं पालाः वांछ्वयाब्‍यु। थुकिया नांयात आवंनिसें लुममंकेमा।”

हितोपदेश 14:17

तंगुलुतय्‌सं मूर्ख ज्‍या याइ, झंगःलानाजुइपिं मनूतय्‌त मेपिन्‍सं घृणा याइ।

अय्‍यूब 21:27

छिकपिन्‍सं छु बिचाः यानाच्‍वनादीगु दु जिं बांलाक स्‍यू, अले जिगु विरोधय् ग्‍वयाच्‍वंगु छिकपिनिगु ग्‍वसाः जिं स्‍यू।

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

गन्‍ती 12:3

मोशा क्‍वमिलुम्‍ह मनू खः, व थें क्‍वमिलुम्‍ह मनू पृथ्‍वीइ सुं हे मदु।

२ तिमोथी 4:16

दकलय् न्‍हापां जिगु मुद्दा जूबलय् जिगु पंलिनाः सुनानं नमवाः। फुक्‍कसिनं जितः त्‍वःतल। इमिसं थुकियागु ल्‍याःचाः प्रभुयात बी म्‍वाःलेमा।

गन्‍ती 32:6

मोशां गादी व रूबेनीतय्‌त धाल, “छिमि इस्राएली दाजुकिजापिं उखे लडाइँलय् वनेगु, अले छिपिं जक थन याउँक च्‍वनेगु धयागु ला?