१ कोरिन्‍थी 13:2 - नेवाः बाइबल

² अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ कोरिन्‍थी 13:2 ပူးပေါင်းရင်းမြစ်များ

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

मत्ती 17:20

वय्‌कलं धयादिल – “छिमिसं क्‍वात्तुक विश्‍वास याये मफुगुलिं अथे याये मफुगु खः। जिं धात्‍थें धाये – छिमिके तू छगः ग्‍वःछि जक विश्‍वास दःसां छिमिसं थ्‍व पहाडयात ‘थनं चिला हुँ’ धाःसा चिलावनी। छिमिसं याये मफुगु छुं नं दइ मखु।

मत्ती 21:19

लँ सिथय्‌सं यःमरिमायात खनाः वय्‌कः सिमा लिक्‍क झाल। हः सिबय् मेगु छुं हे मदुगुलिं वय्‌कलं व सिमायात थथे धयादिल – “आवंलि छंके गुबलें हे फल धयागु मसयेमा।” अबलय् हे व सिमा गना वन।

मत्ती 21:21

वय्‌कलं धयादिल – “जिं छिमित खःगु खँ धाये – छिमिसं नं छुं हे संका मयासें विश्‍वास यात धाःसा जिं यःमरिमायात याना थें जक मखु, छिमिसं थ्‍व पहाडयात – ‘ल्‍यहेँ दनाः समुद्रय् कुतुं हुँ’ धकाः धाल धासां अथे हे जुइ।

प्रेरित 13:1

एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

१ कोरिन्‍थी 11:4

अय्‌जूगुलिं प्रार्थना यायेबलय् व अगमवाणी कनीबलय् मिजंतय्‌सं छ्यं त्‍वपुया तल धाःसा वं ख्रीष्‍टयात क्‍वह्यंकूगु जुइ।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 13:1

मनूतय्‌गु थीथी भाषां व स्‍वर्गदूततय्‌गु भाषां हे नवाये सःसां जिं कर्पिन्‍त माया मयात धाःसा जिं अथे नवाःगु खँ भुस्‍याः व गं थाःगु थें जक जुइ।

१ कोरिन्‍थी 13:3

थःके दुगु फुक्‍कं नये मखंपिन्‍त इना ब्‍यूसां, अले थःगु हे म्‍हयात तकं छ्वय्‌के ब्‍यूसां जिके माया धयागु मदुसा जिं यानागु फुक्‍कं सितिं वनी।

१ कोरिन्‍थी 13:8

माया सदां दयाच्‍वनी। अगमवाणी कनेगु वरदान धाःसा मदयावनी। थीथी भाषां नवायेगु वरदान नं मदयावनी। ज्ञान नं मदयावनी।

१ कोरिन्‍थी 14:29

अले हानं अगमवाणी कनेगु नं निम्‍ह स्‍वम्‍हय्‌सिनं जक यायेमाः। थथे इमिसं न्‍यंकीगु वचनयात खः ला कि मखु धकाः जाँचय् यायेमाः।

१ कोरिन्‍थी 14:39

अय्‌जूगुलिं यःपिं दाजुकिजापिं, अगमवाणी कनेगु वरदान कायेत कुतः या। अय्‌नं थीथी भाषां नवाइपिन्‍त नं पने मते।

१ कोरिन्‍थी 14:4

थीथी भाषां नवाइम्‍ह मनुखं थःत जक हे भिंकी, अगमवाणी कनीम्‍हय्‌सिनं ला मण्‍डलीयात हे भिंकी।

१ कोरिन्‍थी 15:51

छिमिसं मस्‍यूनिगु खँ जिं छिमित कनाच्‍वनागु खः। झीपिं फुक्‍कं सी माली मखु। तर झीपिं फुक्‍क हिलावनी।

१ कोरिन्‍थी 16:22

प्रभुयात माया मयाइम्‍हय्‌सित धिक्‍कार दु। “हे जिमि प्रभु, झायादिसँ।”

१ कोरिन्‍थी 4:1

जिपिं परमेश्‍वरयागु गुप्‍ति खँ लःल्‍हाना तःपिं ख्रीष्‍टया च्‍यःत खः धकाः छिमिसं भाःपीमाः।

१ कोरिन्‍थी 7:19

परमेश्‍वरया न्‍ह्यःने चिं तःसां मतःसां छुं मपाः। तःधंगु खँ ला परमेश्‍वरयागु आज्ञा मानय् यायेगु खः।

१ कोरिन्‍थी 8:4

अय्‌जूगुलिं मूर्तियात छाःगु प्रसाद नये ज्‍यू ला कि मज्‍यू धयागु खँय् झीसं स्‍यू – “मूर्ति धयागु ला छुं नं मखु” कःमितय्‌सं दय्‌कातःगु जक खः। “परमेश्‍वर ला छम्‍ह हे जक दु” धकाः नं झीसं स्‍यू।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

गलाती 5:16

पवित्र आत्‍मां धाःथें याना जूसा छिमिसं थः यःथें यानाजुइगु त्‍वःते फइ।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

गलाती 6:3

थथे मयासें सुनानं थःम्‍हं थःत तःधंम्‍ह धकाः धयाजुल धाःसा वं थःम्‍हं थःत धोखा ब्‍यूगु जुइ।

एफिसी 3:4

जिं च्‍वयाहयागु थ्‍व खँ ब्‍वन धाःसा जिं ख्रीष्‍टयागु गुप्‍ति खँ गुलि स्‍यू धकाः छिमिसं सीके फइ।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

कलस्‍सी 1:26

न्‍हापांनिसें सुनानं थुइके मफुगु थ्‍व गुप्‍ति खँयात आः ख्रीष्‍ट येशूया पवित्र मनूतय्‌त ध्‍वाथुइकादिल।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ यूहन्‍ना 4:8

परमेश्‍वर प्रेम खः, उकिं माया याये मसःम्‍ह मनुखं वय्‌कःयात म्‍हसी मखु।