१ कोरिन्‍थी 12:9 - नेवाः बाइबल

⁹ थ्‍व हे पवित्र आत्‍मां छम्‍हय्‌सित तःधंगु विश्‍वास बियादीसा मेम्‍हय्‌सित ल्‍वय् लाय्‌केगु वरदानत बियादी।

१ कोरिन्‍थी 12:9 ပူးပေါင်းရင်းမြစ်များ

मत्ती 10:8

उसाँय् मदुपिन्‍त लाय्‌कि, सीपिन्‍त म्‍वाकी, कोह्रितय्‌त लाय्‌कि, अले भूत पितिनाछ्व। थ्‍व शक्ति छिमित सितिं दुगुलिं छिमिसं नं सितिं हे या।

मत्ती 21:21

वय्‌कलं धयादिल – “जिं छिमित खःगु खँ धाये – छिमिसं नं छुं हे संका मयासें विश्‍वास यात धाःसा जिं यःमरिमायात याना थें जक मखु, छिमिसं थ्‍व पहाडयात – ‘ल्‍यहेँ दनाः समुद्रय् कुतुं हुँ’ धकाः धाल धासां अथे हे जुइ।

मर्कूस 16:18

सर्पयात ज्‍वनी, छुं जुयाः बिख हे त्‍वंसां इपिं सी मखु, उसाँय् मदुपिनिगु छेनय् ल्‍हाः तयाः ल्‍वय् लाय्‌काबी।”

मर्कूस 6:13

इमिसं यक्‍व भूतआत्‍मातय्‌त पितिनाछ्वल, यक्‍व उसाँय् मदुपिन्‍त चिकनं बुइकाः लाय्‌काबिल।

लूका 10:9

अन च्‍वंपिं उसाँय् मदया च्‍वंपिन्‍त लाय्‌काब्‍यु। अले इमित थथे धा – ‘परमेश्‍वरयागु राज्‍य छिमिगु न्‍ह्यःने वये धुंकल।’

लूका 9:2

अले वय्‌कलं परमेश्‍वरयागु राज्‍ययागु खँ न्‍यंकेत व ल्‍वय् लाय्‌काबीत इमित छ्वयादिल।

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

प्रेरित 5:15

मनूतय्‌सं ल्‍वगितय्‌त हयाः पत्रुस वइबलय् वयागु किचः जक जूसां लाय्‌मा धकाः लँय् लँय् लासाय् व सुकुली ग्‍वतुइका तयेगु यात।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 12:30

थुपिं फुक्‍कसिके हे ल्‍वय् लाय्‌केगु वरदान दइ मखु, थुपिं फुक्‍कसिनं मथूगु थीथी भाषां नवाये फइ मखु। अथे हे फुक्‍कसिनं थीथी भाषां नवाःगु खँ थुइकाबी फइ मखु।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

२ कोरिन्‍थी 4:13

“जिं विश्‍वास यानागुलिं नवाना नं च्‍वना” धकाः धर्मशास्‍त्रय् च्‍वया तः थें जिमिसं नं विश्‍वास यानागुलिं नवाना नं च्‍वनागु खः।

एफिसी 2:8

परमेश्‍वरयात छिमिसं विश्‍वास याःगुलिं छिमित वय्‌कलं दया माया यानाः मुक्ति बियादीगु खः। छिमिगु थःगु हे कुतलं थ्‍व मुक्ति दुगु मखु। थ्‍व ला परमेश्‍वरयागु वरदान खः।

हिब्रू 11:33

विश्‍वासं हे इमिसं देश देश त्‍याका काल। विश्‍वासं हे इमिसं बांलाक राज्‍य याना वन, अले विश्‍वासं हे परमेश्‍वरं बी धकाः धयादीगु काये खन। विश्‍वासं हे इमिसं सिंहतय्‌गु म्‍हुतुप्‍वाः तिकल।