१ कोरिन्‍थी 12:4 - नेवाः बाइबल

⁴ थीथी वरदान विश्‍वासीतय्‌त बियातःगु जूसां, वरदान बियादीम्‍ह ला छम्‍ह हे पवित्र आत्‍मा जक खः।

१ कोरिन्‍थी 12:4 ပူးပေါင်းရင်းမြစ်များ

प्रस्‍थान 31:3

अले जिं वयात परमेश्‍वरयागु आत्‍मां, सीपं, खुबीं व फुक्‍क कथंयागु ज्‍या यायेगु ज्ञानं जाय्‌का बियागु दु।

१ कोरिन्‍थी 12:1

यःपिं दाजुकिजापिं, पवित्र आत्‍मां बियादीगु वरदानयागु सत्‍य खँ छु खः धकाः छिमिसं सीकि।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 12:5

प्रभुयागु सेवा ला तःताकथं याये फु। न्‍ह्यागुकथं सेवा याःसां छम्‍ह हे प्रभुयागु सेवा यायेगु खः।

१ कोरिन्‍थी 7:7

जितः फुक्‍क मनूत जि थें ब्‍याहा मयासें च्‍वंसा यः। फुक्‍कसिनं परमेश्‍वरपाखें थीथी वरदान कयातःगु दु। छम्‍हय्‌सिके छता वरदान दःसा मेम्‍हय्‌सिके मेगु हे वरदान दु।

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।

१ पत्रुस 4:10

परमेश्‍वरं छिमित थीथी कथंया वरदान बियादीगु दु। उकिं थःथपिन्‍त बियातःगु वरदान छ्यलाः मेपिन्‍त ग्‍वाहालि या।