१ कोरिन्‍थी 12:2 - नेवाः बाइबल

² छिपिं विश्‍वासी जुइ न्‍ह्यः छिपिं नमवाइपिं मूर्तितय्‌त पुजा याइपिं खः धकाः छिमिसं सि हे स्‍यू।

१ कोरिन्‍थी 12:2 ပူးပေါင်းရင်းမြစ်များ

भजनसंग्रहया सफू 115:5

इमि म्‍हुतु ला दु तर नवाये मफु। इमि मिखा ला दु तर खंके मफु।

भजनसंग्रहया सफू 115:7

इमि ल्‍हाः ला दु तर ल्‍हातं थी मफु, इमि तुति ला दु तर न्‍यासि वनेमफु। इमिसं कथुं नं सः पिकाय् मफु।

भजनसंग्रहया सफू 135:16

इमि म्‍हुतु दु, तर नवाये मफु, मिखा दु तर खंके मफु।

यशैया 46:7

इमिसं उकियात ब्‍वहलय् तयाः क्‍वबिया जुइ, अले उकियात तयेमाःगु थासय् तइ, अले व धस्‍वानाच्‍वनी। व थासं व थः हे थुखे उखे न्‍ह्यानावने फइ मखु। सुं मनूत न्‍ह्यःने वयाः तसलं हाला ग्‍वाहालि फ्‍वंसां वं लिसः बी फइ मखु, अले वयागु दुःखकष्‍टपाखें वं बचय् याये फइ मखु।”

यर्मिया 10:5

इमिगु मूर्तित तुसिया क्‍यबय् तयातःम्‍ह बुँख्‍याःचा थें नवाये मफु। इमित क्‍वबिया जुइमाः, छाय्‌धाःसा इपिं न्‍यासि जुइ मफु। इपिं खनाः ग्‍याये मते, इमिसं छिमिगु छुं स्‍यंके फइ मखु, न इमिसं छुं भिं याये फइ।”

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

१ पत्रुस 4:3

परमेश्‍वरयात म्‍हमस्‍यूपिन्‍सं याना जू थें न्‍हापा छिमिसं नं थः यःथें यानाजुइगु, व्‍यभिचार यायेगु, अय्‌लाः थ्‍वँ त्‍वना जुइगु, मोजमज्‍जा यायेगु, मूर्ति पुजा यायेगु याना जुइ धुंकल।