१ कोरिन्‍थी 11:7 - नेवाः बाइबल

⁷ मिजंतय्‌सं थःगु छ्यं त्‍वपुइ म्‍वाः छाय्‌धाःसा मिजंत परमेश्‍वरयागु रूप व शोभा खः, तर मिसा मिजंया शोभा खः।

१ कोरिन्‍थी 11:7 ပူးပေါင်းရင်းမြစ်များ

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

उत्‍पत्ति 5:1

आदमया सन्‍तानयागु धलः थुकथं दु, परमेश्‍वरं मनूया सृष्‍टि यानादीबलय् वय्‌कलं इमित थःगु हे ख्‍वाःलसि वयेक दय्‌कादिल।

उत्‍पत्ति 9:6

“सुनां मनूया हि बाः वय्‌की वयागु नं हि बाः वइ, छाय्‌धाःसा प रमेश्‍वरं मनूयात थःथें हे च्‍वंक दय्‌कादीगु दु।

भजनसंग्रहया सफू 8:6

छिं वयात दय्‌कादीगु फुक्‍कयागु अधिकार नं बियादिल।

हितोपदेश 12:4

भिंम्‍ह कलाः वया भाःतया मुकुट खः, तर भाःतयात मछालापुकीम्‍ह मिसा ध्‍वगीगु क्‍वँय् थें खः।

१ कोरिन्‍थी 11:3

अय्‌नं छता खँ न्‍यँ – न्‍ह्याम्‍ह मिजंयागु छ्यं ख्रीष्‍ट खः, अले मिसायागु छ्यं वया भाःत खः, अले ख्रीष्‍टयागु छ्यं परमेश्‍वर खः धयागु खँ छिमिसं थुइके माल।

१ कोरिन्‍थी 11:6

थथे छ्यं त्‍वपुइ मयःम्‍ह मिसां सुचुक सँ खाना छ्वयेगु हे बांलाः। अय्‌नं सुचुक सँ खायेगु व चिहाकय्‌क चायेगु लज्‍यायागु खँ खःसा वं छ्यं त्‍वपुइमाः।

२ कोरिन्‍थी 8:23

तीतस जक जि लिसे जानाः छिमित ग्‍वाहालि बीगु ज्‍या यानाच्‍वंम्‍ह खः। व नाप वःपिं मेपिं दाजुकिजापिं मण्‍डलीयापिं मनूत खः, इपिं नं ख्रीष्‍टयागु नां तःधंकेत ज्‍या याइपिं खः।

याकूब 3:9

थुकिं हे झीसं प्रभु परमेश्‍वर बाःयात सुवाः बीगु, अले थुकिं हे परमेश्‍वर थें च्‍वंक दय्‌कातःपिं मनूतय्‌त सराः बीगु खः।