१ कोरिन्‍थी 11:4 - नेवाः बाइबल

⁴ अय्‌जूगुलिं प्रार्थना यायेबलय् व अगमवाणी कनीबलय् मिजंतय्‌सं छ्यं त्‍वपुया तल धाःसा वं ख्रीष्‍टयात क्‍वह्यंकूगु जुइ।

१ कोरिन्‍थी 11:4 ပူးပေါင်းရင်းမြစ်များ

२ शमूएल 15:30

तर दाऊद थःगु छ्यं त्‍वपुयाः खालि तुतिं ख्‍वख्‍वं जैतून डाँडाय् थहां वन। वनापं दुपिं फुक्‍क मनूत नं थथःगु छ्यं त्‍वपुयाः ख्‍वख्‍वं च्‍वय् थहां वन।

२ शमूएल 19:4

जुजुं थःगु ख्‍वाः त्‍वपुयाः ततसलं थथे धाल, “हे जिकाय् अब्‍शालोम! हे अब्‍शालोम, जि पुताः, जिकाय्!”

मीका 7:6

काय्‌नं बौयात हेपय् याइ अले म्‍ह्याय्‌नं मांयात मभिंकाः खँ ल्‍हानाच्‍वनी, भौ माजुनापं ल्‍वानाच्‍वनी। मनूतय् शत्रु थःगु हे छेँ च्‍वंपिं मनूत जुइ।

प्रेरित 13:1

एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

१ कोरिन्‍थी 11:14

मिजंतय्‌सं ताहाःकय्‌क सँ लहिना तयेगु बांमलाः धकाः ला झीसं अथें स्‍यू नि।

१ कोरिन्‍थी 11:5

अथे हे मिसातय्‌सं थःगु छ्यं त्‍वमपुसे प्रार्थना यात धाःसा वा अगमवाणी कन धाःसा वं थः भाःतयात क्‍वह्यंकूगु जुइ। थज्‍याःम्‍ह मिसा छ्यं छगलं सँ खाना तःम्‍ह थें खः।

१ कोरिन्‍थी 12:10

थ्‍व हे पवित्र आत्‍मां छम्‍हय्‌सित अजू चायापुगु ज्‍या यायेगु शक्ति बियादीसा मेम्‍हय्‌सित अगमवाणी कने फइगु शक्ति बियादी। अथे हे गुम्‍हय्‌सित आत्‍मा म्‍हसीकेगु शक्ति बियादी। गुम्‍हय्‌सितं थीथी भाषां नवायेगु शक्ति बियादीसा, गुम्‍हय्‌सितं थुकथं थीथी भाषां नवाःगु खँयात थुइकाबीगु शक्ति बियादी।

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ थेसलोनिकी 5:20

अगमवाणीयात क्‍वथुनाः खँ ल्‍हाये मते।