१ कोरिन्‍थी 11:3 - नेवाः बाइबल

³ अय्‌नं छता खँ न्‍यँ – न्‍ह्याम्‍ह मिजंयागु छ्यं ख्रीष्‍ट खः, अले मिसायागु छ्यं वया भाःत खः, अले ख्रीष्‍टयागु छ्यं परमेश्‍वर खः धयागु खँ छिमिसं थुइके माल।

१ कोरिन्‍थी 11:3 ပူးပေါင်းရင်းမြစ်များ

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

यशैया 52:13

स्‍व, जिमि दास ताःलाइतिनि। वयात च्‍वछाइ, थकाइ अले वयात तसकं तःधंकी।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 14:28

‘जि वनाः हानं छिमिथाय् तुं वये’ धकाः जिं धयागु खँ ला छिमिसं न्‍यंगु हे दु। छिमिसं जितः माया यानागु खःसा जि बाःयाथाय् वने धकाः धयागु खँ न्‍यनाः, छिपिं लय्‌ताय् माःगु खः, छाय्‌धाःसा बाः जि स्‍वयाः तःधं।

१ कोरिन्‍थी 3:23

अले छिपिं फुक्‍कं ख्रीष्‍टयापिं खः व ख्रीष्‍ट परमेश्‍वरयाम्‍ह खः।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

कलस्‍सी 2:10

वय्‌कःपाखें हे छिपिं बांलाक ब्‍वलंगु दु। वय्‌कः फुक्‍क राज्‍य व शक्ति स्‍वयाः तःधं।

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

कलस्‍सी 3:18

मिसातय्‌सं थः भाःतं धाःथें यायेमाः। थथे याइगु प्रभुयात यः।

१ पत्रुस 3:1

मिसात भाःतं धाःथें च्‍वनेमाः। थुकिं यानाः परमेश्‍वरयात विश्‍वास मयाःम्‍ह भाःतं नं छिमिगु चालचलनं यानाः विश्‍वास याइ। छिमिसं छुं हे खँ न्‍यंके माली मखु।