3 इपिं फुक्कसिनं छता हे आत्मायागु नसा नल,
“इपिं नय्पित्याःबलय् छिं स्वर्गं नयेत मरि बियादिल, प्याचाःबलय् त्वनेत ल्वहँतं लः पिकयादिल। छिं इमित बी धकाः बाचा यानादीगु देशय् अधिकार यायेगु आज्ञा बियादिल।
इमित छिं स्यनेकने यायेत थःगु भिंगु आत्मा बियादिल, छिं इमिगु म्हुतुं छिगु मन्न चीका मदी व इपिं प्याचाःबलय् छिं इमित लः बियादिल।
इमिसं फ्वंबलय् वय्कलं इमिथाय् बट्टाई झंगःत छ्वयादिल। वय्कलं स्वर्गं मरि बियाः इमिगु प्वाः जाय्कादिल।
व खनाः इस्राएलीतय्सं थःथवय् धाल, “थ्व छु खः?” व छु खः धकाः इमिसं मस्यूगुलिं मोशां धाल, “थ्व परमप्रभुं छिमित बियादीगु नसा खः।
इस्राएलीतय्सं बाचा चिनातःगु देशय् मथ्यंतले पिइदँ तक मन्न नयाच्वन। कनान देशय् मथ्यंतले इमिसं मन्न नयाच्वन।
अले परमप्रभुं मोशायात धयादिल, “स्व, जिं छिमिगु निंतिं स्वर्गं मरि गाय्काहये। मनूतय्सं न्हियान्हिथं पिने वनाः उखुन्हुयात थःत माक्व नसा मुनेमाः। थुकथं इपिं जिं धयाकथं जुइ कि मजुइ धकाः जिं स्वये।
वय्कलं छिमित नये पित्याकादिल। अले छिमिसं व छिमि पुर्खातय्सं मस्यूगु मन्ना नकादिल। मनूत मरिं जक मखु अय्नं परमप्रभुया म्हुतुं पिहां वःगु छगू छगू वचनं म्वाइ धयागु खँ थुइकाबीत थथे यानादीगु खः।
