१ कोरिन्‍थी 10:16 - नेवाः बाइबल

¹⁶ परमेश्‍वरयात सुभाय् बियाः झीसं त्‍वनेगु दाखमद्य ख्रीष्‍टयागु हि लुमंकेत मखु ला? अथे हे झीसं कुचा कुचा थलाः नयेगु मरि नं ख्रीष्‍टयागु म्‍ह लुमंकेत मखु ला? उकिं झीपिं परमेश्‍वर नाप मिलय् जुयाच्‍वनागुलिं झीपिं परमेश्‍वरया मनूत खः।

१ कोरिन्‍थी 10:16 ပူးပေါင်းရင်းမြစ်များ

लूका 22:17

अले वय्‌कलं ख्‍वला कयाः परमेश्‍वरयात सुभाय् बियाः धयादिल – “थ्‍व का, छिपिं सकसिनं इनाः त्‍वँ।

प्रेरित 2:42

आः इपिं प्रेरितत लिसे स्‍यनेकने, प्रार्थना, प्रभु भ्‍वय् व संगति याइपिं जुल।

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 20:11

पावल तले वन, अले सकलें जानाः प्रभु भ्‍वय् नल। प्रभु भ्‍वय् सिधय्‌काः पावल सुथ मजुतले इपिं लिसे खँ ल्‍हानाच्‍वन। अले अनं बिदा जुयाः वन।

प्रेरित 20:7

आइतबार खुन्‍हु बहनी प्रभु भ्‍वय् नयेत जिपिं मुना। कन्‍हय् खुन्‍हु सुथय् हे वनेगु मतिइ तयाः पावलं इमित बाचा तक स्‍यनेकने यानाच्‍वन।

१ कोरिन्‍थी 1:9

परमेश्‍वर विश्‍वास याये बहःम्‍ह खः। वय्‌कलं हे थःकाय्, झी प्रभु येशू ख्रीष्‍टनाप झीत मिलय् यानादीगु खः।

१ कोरिन्‍थी 10:15

बुद्धि दुपिं मनूत भाःपियाः जिं छिमित धयाच्‍वनागु दु। जिं धयागु खँ छिमिसं जाँचय् याना स्‍व।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।