१ कोरिन्‍थी 1:8 - नेवाः बाइबल

⁸ झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ कोरिन्‍थी 1:8 ပူးပေါင်းရင်းမြစ်များ

भजनसंग्रहया सफू 37:17

छाय्‌धाःसा मभिंपिनिगु शक्ति नाश जुयावनी। परमप्रभुं भिंपिन्‍त बल्‍लाकादी।

भजनसंग्रहया सफू 37:28

छाय्‌धाःसा परमप्रभु सत्‍य यःम्‍ह खः, वय्‌कलं थःत विश्‍वास याइपिन्‍त गुब्‍सं त्‍वःतादी मखु। वय्‌कलं इमित न्‍ह्याबलें बचय् यानादी। मभिंपिं मनूतय् सन्‍तान धाःसा नाश जुइ।

लूका 17:24

गथे आकाशय् हावलासा त्‍वइबलय् छगू कुनं मेगु कुनय् थ्‍यंक जः खइ। मनूया काय् वइगु दिनय् नं अथे हे खने दइ।

लूका 17:30

मनूया काय् वइबलय् नं अथे हे जुइ।

रोमी 14:4

मेपिनि च्‍यःयात न्‍याय याइम्‍ह छ सु खः? वं याःगु ज्‍या बांलाः बांमलाः धकाः वया मालिकं हे न्‍याय याइ। वं बांलाःगु ज्‍या याये फइ, छाय्‌धाःसा वया मालिकं वयात लिधंसा बी फु।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

रोमी 8:19

फुक्‍क सृष्‍टि परमेश्‍वरं थः सन्‍तानतय्‌त क्‍यनेगु दिं स्‍वयेत आय्‌बुया च्‍वंगु दु।

१ कोरिन्‍थी 3:13

सुनां बांलाक ज्‍या यात, सुनां बांमलाक ज्‍या यात धकाः ख्रीष्‍ट न्‍याय यायेत झायादीबलय् जाँचय् यानादी। छाय्‌धाःसा उबलय् फुक्‍क मनूतय्‌गु ज्‍या मिइ तयाः जाँचय् याइ।

१ कोरिन्‍थी 5:5

थज्‍याःम्‍ह मनूयात शैतानयागु ल्‍हातय् लःल्‍हानाब्‍यु, अले वयागु म्‍ह स्‍यना वंसां ख्रीष्‍ट येशू झायाः न्‍याय यानादीबलय् आत्‍मा धाःसा बचय् जुइ।

२ कोरिन्‍थी 1:13

छिमिसं ब्‍वनाः थुइके फइगु खँ जक जिमिसं च्‍वयाहयागु खः। छिमिसं फुक्‍कं थुइके फइ धकाः जिं आशा यानाच्‍वनागु दु।

२ कोरिन्‍थी 1:14

थौंकन्‍हय् छिमिसं जिमिगु खँ भचासां थुइ धुंकल। प्रभु येशू हानं झायादीबलय् छिपिं खनाः गथे जिमिसं छ्यं धस्‍वाके फइ अथे हे छिमिसं जिपिं खनाः छ्यं धस्‍वाके फइ।

२ कोरिन्‍थी 1:21

ख्रीष्‍टयात क्‍वात्तुक विश्‍वास यानाच्‍वने फय्‌क छिमित नं जिमित नं शक्ति बियादीम्‍ह परमेश्‍वर हे खः। परमेश्‍वरं झीत ल्‍ययादीगु खः।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

कलस्‍सी 1:22

तर आः वय्‌कःया काय्‌नं थः हे सिनाः छिमित हाकनं वय्‌कः नाप मिलय् यानादीगु दु। वय्‌कः छिमित थःगु न्‍ह्यःने पवित्र, शुद्ध व दोष मदुपिं यायेत हे थथे सिनादीगु खः।

कलस्‍सी 2:7

वय्‌कःयाके हा कयाः ब्‍वलना च्‍वँ। अले छिमिसं वय्‌कःयात हे थःगु जग भाःपियाः छिमित स्‍यनातःथें विश्‍वासय् क्‍वात्तुक च्‍वनाः न्‍ह्याबलें सुभाय् बिया च्‍वँ।

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

२ थेसलोनिकी 2:2

जिमिसं छिमित बिन्‍ति यानाच्‍वना – सुनानं झी प्रभु झाइगु ई वये धुंकल धाल धायेवं छिपिं आछु-आछु कने मते, अले ग्‍याये मते। गुम्‍हय्‌सिनं अगमवक्तां धाःथें च्‍वंक, गुम्‍हय्‌सिनं वचनपाखें धाःथें च्‍वंक, अले गुम्‍हय्‌सिनं जिमिसं पौ च्‍वया थें च्‍वंक थथे धायेफु।

२ थेसलोनिकी 3:3

प्रभु विश्‍वास याये बहःम्‍ह खः। वय्‌कलं हे छिमित बल्‍लाकादी, अले दुष्‍टम्‍ह मनूपाखें बचय् यानातयादी।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

२ तिमोथी 1:18

एफिससय् दुबलय् नं वं जितः गुलि ग्‍वाहालि यात धयागु खँ ला छं नं बांलाक हे स्‍यू। प्रभु झायादीबलय् वयात दया माया यानादीमा।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।