१ कोरिन्‍थी 1:7 - नेवाः बाइबल

⁷ अय्‌जूगुलिं येशू ख्रीष्‍ट झायादी तिनि धकाः छिपिं पियाच्‍वंगुलिं छिमित छुं नं आत्‍मिक वरदान मगाःमचाः जुइ मखु।

१ कोरिन्‍थी 1:7 ပူးပေါင်းရင်းမြစ်များ

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

मत्ती 25:1

“स्‍वर्गयागु राज्‍य थथे च्‍वं। झिम्‍ह ल्‍यासेत जिलाजं नापलायेत थथःगु मत ज्‍वनावन।

लूका 12:36

छिपिं ब्‍याहा भ्‍वय् वंम्‍ह मालिकयागु लँ स्‍वया च्‍वंम्‍ह च्‍यः थें जुयाच्‍वँ। गुम्‍हय्‌सिनं थः मालिक वयेवं खापा चाय्‌काबी।

लूका 17:30

मनूया काय् वइबलय् नं अथे हे जुइ।

रोमी 8:19

फुक्‍क सृष्‍टि परमेश्‍वरं थः सन्‍तानतय्‌त क्‍यनेगु दिं स्‍वयेत आय्‌बुया च्‍वंगु दु।

रोमी 8:23

सृष्‍टि जक मखु, झीपिं नं आत्‍माया न्‍हापांयागु फल दुपिं झीपिं थःपिं हे नं परमेश्‍वरया लहिनातःपिं सन्‍तान थें जुयाः उद्धारया निंतिं आय्‌बुयाच्‍वना।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 12:13

जिं छिमित थःत नयेत्‍वने मयाकेगु बाहेक मेगु मण्‍डलीयापिन्‍त स्‍वयाः छुकिं नं चिधंकेत स्‍वयागु मदु। खः का, जिं छिमिगुपाखें नयेत्‍वने मयाना। जिं द्वंके लात, जितः माफ यानाब्‍यु।

गलाती 5:5

जिमिगु आशा ला परमेश्‍वरं हे जिमित धर्मी ठहरय् यानादी धयागु खः। अले परमेश्‍वरयागु आत्‍मायागु शक्तिं हे जिमित विश्‍वास याये फय्‌कादी धकाः जिपिं पियाच्‍वनागु खः।

फिलिप्‍पी 3:20

झीपिं ला स्‍वर्गया नागरिकत खः। झीपिं मुक्ति बीम्‍ह झी प्रभु येशू ख्रीष्‍ट स्‍वर्गं झाइतिनि धकाः लँ स्‍वया च्‍वनापिं खः।

कलस्‍सी 3:4

ख्रीष्‍ट हे छिमिगु जीवन खः। वय्‌कः झाइबलय् छिपिं नं वय्‌कःनापं तुं खने दइ, अले तःधनी।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

२ थेसलोनिकी 1:7

दुःखकष्‍ट सियाच्‍वंपिं छिमित व जिमित नं वय्‌कलं दुःखकष्‍ट मदय्‌काबी। प्रभु येशू ख्रीष्‍ट वय्‌कःया तसकं बल्‍लाःपिं स्‍वर्गदूतत नाप स्‍वर्गं झायादीबलय् वय्‌कलं थथे यानादी।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ पत्रुस 4:13

येशू ख्रीष्‍टं थें थथे दुःख फये दयाः छिपिं लय्‌ताया च्‍वँ। वय्‌कः झाइबलय् छिपिं तसकं लय्‌ताये दइ।

१ पत्रुस 5:4

अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।

२ पत्रुस 3:12

परमेश्‍वर झायादीगु ई पियाच्‍वँ। अबलय् आकाश छ्वयाः नौ जुयावनी। आकाशय् च्‍वंगु फुक्‍कं क्‍वानाः नायावनी।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

यहूदा 1:21

परमेश्‍वरयात मानय् यायेगु गुबलें त्‍वःते मते। झी प्रभु येशू ख्रीष्‍ट झायाः छिमित दया यानाः अनन्‍त जीवन बियादीतिनि धकाः छिपिं पियाच्‍वँ।