१ कोरिन्‍थी 1:4 - नेवाः बाइबल

⁴ ख्रीष्‍ट येशूं छिमित दया माया यानादीगुलिं जिं न्‍ह्याबलें परमेश्‍वरयात सुभाय् बियाच्‍वनागु दु।

१ कोरिन्‍थी 1:4 ပူးပေါင်းရင်းမြစ်များ

मत्ती 19:11

वय्‌कलं इमित धयादिल – “फुक्‍कसिनं थथे याये फइ मखु, परमेश्‍वरं हे यानादिल धाःसा जक याये फइ।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 14:14

जिगु नामय् छिमिसं न्‍ह्यागु फ्‍वंसां जिं छिमित बी।”

यूहन्‍ना 14:16

जिं छिमित ग्‍वाहालि याइम्‍ह मेम्‍ह छ्वयादिसँ धकाः बाःयाके बिन्‍ति यानाबी। अले व छिपिंनाप सदां च्‍वनी।

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 15:26

“जिं छिमिथाय् बाःयापाखें ग्‍वाहालि याइम्‍ह सत्‍य आत्‍मायात छ्वयाहये। वय्‌कलं हे छिमित जिगु साक्षी बी।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 21:20

पावलयागु खँ न्‍यनाः इमिसं परमेश्‍वरयात तःधंकल। अले वयात धाल – “किजा, थन नं द्वलंद्वः यहूदीतय्‌सं विश्‍वासी जुइ धुंकाः नं व्‍यवस्‍थायात उलि हे मानय् यानाच्‍वंगु दु।

रोमी 1:8

दकलय् न्‍हापां जिं परमेश्‍वरयात येशू ख्रीष्‍टपाखें छिपिं फुक्‍कसिगु निंतिं सुभाय् बी, छाय्‌धाःसा सारा संसार न्‍यंक छिमिसं यानाच्‍वंगु विश्‍वासयागु खँ बय्‌बय् जुयाच्‍वंगु दु।

रोमी 6:17

छिमिसं दुनुगलंनिसें छिमित स्‍यना थकूगु तःधंगु खँयात मानय् याःगुलिं न्‍हापा थें छिपिं आः पापया दास मखुत। उकिं परमेश्‍वरयागु जय जुइमा।

१ कोरिन्‍थी 1:3

झी परमेश्‍वर बाः व प्रभु येशू ख्रीष्‍टं दया माया व शान्‍ति बियादीमा।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।