१ कोरिन्‍थी 1:14 - नेवाः बाइबल

¹⁴ क्रिस्‍पस व गायसयात बाहेक जिं मेपिं सुयातं बप्‍तिस्‍मा मबिया। उकिं जिं परमेश्‍वरयात सुभाय् बियाच्‍वना।

१ कोरिन्‍थी 1:14 ပူးပေါင်းရင်းမြစ်များ

प्रेरित 10:48

थुलि धयाः वं इमित येशू ख्रीष्‍टयागु नामं बप्‍तिस्‍मा कायेमाः धकाः उजं बिल। अले इमिसं वयात छुं ई तक इपिंनापं च्‍वनादिसँ धकाः बिन्‍ति यात।

प्रेरित 18:8

अन च्‍वंम्‍ह कजी क्रिस्‍पस व वया जहानपिं फुक्‍कसिनं प्रभुयात विश्‍वास यात। अले हानं यक्‍व हे कोरिन्‍थीतय्‌सं पावलयागु खँ न्‍यनाः विश्‍वास यानाः बप्‍तिस्‍मा काल।

रोमी 16:23

मण्‍डलीयात व जितः थःगु पाहां ब्‍वंम्‍ह गायसं छिमित ज्‍वजलपा धयाहःगु दु। शहरयाम्‍ह दांभरिं इरास्‍तस व झीम्‍ह विश्‍वासी किजा क्‍वार्टसं छिमित ज्‍वजलपा धयाहःगु दु।

१ कोरिन्‍थी 1:15

अय्‌जूगुलिं जिगु नामं बप्‍तिस्‍मा बिल धकाः सुनानं धाये फइ मखु।

१ कोरिन्‍थी 1:4

ख्रीष्‍ट येशूं छिमित दया माया यानादीगुलिं जिं न्‍ह्याबलें परमेश्‍वरयात सुभाय् बियाच्‍वनागु दु।

१ कोरिन्‍थी 14:18

छिमिसं स्‍वयाः जिं थीथी भाषां नवाये फु, उकिं जिं परमेश्‍वरयात सुभाय् बी।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

एफिसी 5:20

न्‍ह्याबलें न्‍ह्यागु ज्‍याखँय् नं छिमिसं झी प्रभु येशू ख्रीष्‍टया नामय् परमेश्‍वर बाःयात सुभाय् ब्‍यु।

कलस्‍सी 3:15

ख्रीष्‍टयागु शान्‍तिं छिमिगु नुगः जायाच्‍वनेमा। थ्‍व हे शान्‍तियागु लागि परमेश्‍वरं छिमित सःताः छम्‍ह हे यानादीगु खः। परमेश्‍वरयात सुभाय् ब्‍यु।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ थेसलोनिकी 5:18

न्‍ह्यागु खँय् न्‍ह्यागु जूसां परमेश्‍वरयात सुभाय् बियाः च्‍वँ। ख्रीष्‍टयात विश्‍वास यानाः छिमिसं थथे यायेमा धयागु हे परमेश्‍वरयागु इच्‍छा खः।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

फिलेमोन 1:4

प्रार्थना यायेबलय् जिं छन्‍त लुमंकाः न्‍ह्याबलें प्रभुयात सुभाय् बियाच्‍वनागु दु।