१ कोरिन्‍थी 1:13 - नेवाः बाइबल

¹³ छु ख्रीष्‍ट तःम्‍ह मछि दु ला? छिमिगु लागि क्रूसय् सीम्‍ह पावल खः ला? अले पावलयागु नामं छिमिसं बप्‍तिस्‍मा कयागु खः ला?

१ कोरिन्‍थी 1:13 ပူးပေါင်းရင်းမြစ်များ

एफिसी 4:5

अथे हे प्रभु नं छम्‍ह हे जक, विश्‍वास नं छगू हे जक, अले बप्‍तिस्‍मा नं छगू हे जक दु।

२ कोरिन्‍थी 11:4

मेपिन्‍सं जिमिसं धा हे मधयाम्‍ह येशूयागु मखुगु मखुगु खँ न्‍यंकः वःसां छिमिसं लय्‌तायाः न्‍यनीगु जुयाच्‍वन। अथे हे जिमिसं मबियागु मेगु हे आत्‍मा व खँयात नं छिमिसं पत्‍याः याइगु जुयाच्‍वन।

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

१ कोरिन्‍थी 10:2

थुकथं मोशानापं जूपिं मनूतय्‌गु बप्‍तिस्‍मा सुपाँय् व समुद्रय् जुल।

प्रेरित 19:5

अले थ्‍व खँ न्‍यनाः इमिसं प्रभु येशूया नामं बप्‍तिस्‍मा काल।

प्रेरित 10:48

थुलि धयाः वं इमित येशू ख्रीष्‍टयागु नामं बप्‍तिस्‍मा कायेमाः धकाः उजं बिल। अले इमिसं वयात छुं ई तक इपिंनापं च्‍वनादिसँ धकाः बिन्‍ति यात।

गलाती 1:7

धात्‍थें धायेमाल धाःसा ख्रीष्‍टयागु भिंगु खँ बाहेक मेगु भिंगु खँ मदु। गुलिं गुलिं मनूत छिमिथाय् वयाः छिमित स्‍यंकेत ख्रीष्‍टयागु भिंगु खँयात मेकथं हिलेत कुतः यानाच्‍वंगुलिं जिं थथे धायेमाःगु खः।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

१ कोरिन्‍थी 1:15

अय्‌जूगुलिं जिगु नामं बप्‍तिस्‍मा बिल धकाः सुनानं धाये फइ मखु।

रोमी 14:9

छाय्‌धाःसा म्‍वाःपिनि नं सीपिनि नं प्रभु जुइत हे ख्रीष्‍ट सिनाः हानं म्‍वानादिल।

प्रेरित 8:16

प्रभु येशूयागु नामं बप्‍तिस्‍मा काये धुंकूसां इपिं आः तकं पवित्र आत्‍मां मजाःनि।

मत्ती 3:6

अले थथःगु पाप स्‍वीकार यानाः यर्दन खुसिइ यूहन्‍नापाखें बप्‍तिस्‍मा काल।