१ कोरिन्‍थी 1:1 - नेवाः बाइबल

¹ परमेश्‍वरं ख्रीष्‍ट येशूयाम्‍ह प्रेरित यानातःम्‍ह पावल व झी किजा सोस्‍थेनेसपाखें

१ कोरिन्‍थी 1:1 ပူးပေါင်းရင်းမြစ်များ

लूका 6:13

कन्‍हय् खुन्‍हु सुथय् थः चेलातय्‌त सःताः इपिं मध्‍ये झिंनिम्‍हय्‌सित ल्‍ययादिल। अले इमित प्रेरितत धकाः नां छुनादिल।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 20:21

वय्‌कलं इमित हानं धयादिल – “छिमित शान्‍ति दयेमा। गथे बाःनं जितः छ्वयाहयादीगु खः अथे हे जिं नं छिमित छ्वये।”

प्रेरित 1:15

लिपा अन सछि व निइम्‍ह चेलात मुनाच्‍वंथाय् पत्रुसं दनाः थथे नवात –

प्रेरित 1:2

वय्‌कलं ल्‍ययादीपिं प्रेरिततय्‌त पवित्र आत्‍मां आज्ञा बियादी धुंकाः स्‍वर्गय् झायादीगु खँ तक च्‍वयागु दु।

प्रेरित 18:17

अले इपिं फुक्‍कसिनं धर्मशास्‍त्र स्‍यनीगु छेँया थकालि सोस्‍थेनेसयात ज्‍वनाः अदालतया न्‍ह्यःने हे दाल। गलियोनं थ्‍व फुक्‍क खंसां छुं हे च्‍यूताः मतः।

प्रेरित 22:21

“प्रभुं जितः थथे धयादिल – ‘छ वने हे माः, जिं छन्‍त तातापाक यहूदीमखुपिन्‍थाय् छ्वयेत्‍यना।’”

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

रोमी 1:10

जि छिमिथाय् वये फयेमा धकाः न्‍हियान्‍हिथं प्रार्थना यानाच्‍वनागु दु। वय्‌कलं जितः छ्वया हयादीसा छन्‍हु ला जि छिमिथाय् वये।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

१ कोरिन्‍थी 15:9

उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें व झी किजा तिमोथीपाखें कोरिन्‍थय् च्‍वंगु परमेश्‍वरया मण्‍डलीयात व अखैयाय् फुक्‍कभनं च्‍वंपिं वय्‌कःया सकल मनूतय्‌त ज्‍वजलपा।

२ कोरिन्‍थी 11:5

थथःम्‍हं तःधना जुइपिं थुपिं प्रेरितत स्‍वयाः जि चिधं मजू थें च्‍वं।

२ कोरिन्‍थी 12:12

दुःखकष्‍ट जूसां तःकः मछि अजू चायापुगु ज्‍या व चिं यानाः जि प्रेरित खः धकाः छिमित दसु क्‍यनागु दु।

२ कोरिन्‍थी 8:5

जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।

गलाती 1:1

मनूतय्‌पाखें मखु, येशू ख्रीष्‍ट व वय्‌कःयात हानं म्‍वाकादीम्‍ह परमेश्‍वरं प्रेरित यानाः छ्वयाहःम्‍ह जि पावल व

एफिसी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें एफिससय् च्‍वंपिं ख्रीष्‍ट येशूयात विश्‍वास यानाच्‍वंपिं परमेश्‍वरया मनूतय्‌त ज्‍वजलपा!

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

कलस्‍सी 1:1

परमेश्‍वरं हे ख्रीष्‍ट येशूया प्रेरित यानातःम्‍ह जि पावल व किजा तिमोथीपाखें

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें