१ इतिहास 6:31 - नेवाः बाइबल

³¹ बाचाया सनू परमप्रभुया पवित्र पालय् तयेधुंकाः अन भजन हालेत व बाजं थायेत दाऊद जुजुं थुपिं मनूतय्‌त जिम्‍मा ब्‍यूगु खः।

१ इतिहास 6:31 ပူးပေါင်းရင်းမြစ်များ

२ शमूएल 6:17

इमिसं परमप्रभुया सनूयात पाल ग्‍वयाः थःथाय् दुने यंकाः पक्‍का यानातःगु थासय् तये यंकल। अले दाऊदं परमप्रभुया न्‍ह्यःने होमबलि व मेलबलि छाल।

१ राजा 8:4

अले पुजाहारीत व लेवीतय्‌सं परमप्रभुया सनू, नापलायेगु पाल व उकी दुगु फुक्‍क पवित्र सामान व ज्‍वलं क्‍वबियाः च्‍वय् यंकल।

१ इतिहास 15:1

दाऊदं दाऊदया शहरय् थःगु लागि लाय्‌कू दय्‌कल। वं परमेश्‍वरया बाचाया सनू तयेत छगूथाय् नं दय्‌कल। अले उकिया लागि छगू पाल ग्‍वल।

१ इतिहास 15:25

अले दाऊद व इस्राएलयापिं थकालित व द्वःछि-द्वःछिम्‍ह सिपाइँतय् नायःत ओबेद-एदोमया छेँनं लय्‌लय्‌तातां बाचाया सनू हयेत वन।

१ इतिहास 15:27

दाऊद व सनू क्‍वबिपिं सकल लेवीत म्‍ये हालीपिं व म्‍ये हालिपिनि नायः कनन्‍याहं मलमलयागु वसः फिनातःगु दु। दाऊदं मलमलया एपोद नं फिनातःगु दु।

१ इतिहास 6:30

शिमेअ उज्‍जाहया काय् खः। हग्‍गियाह शिमेअया काय् खः। असायाह हग्‍गियाहया काय् खः।

१ इतिहास 6:32

इमिसं यरूशलेमय् सोलोमन जुजुं परमप्रभुया देगः मदंतलय् नापलायेगु पालय् संगीतपाखें सेवा याइगु खः। इमिसं इमिगु निंतिं दय्‌काब्‍यूगु नियमकथं थथःगु ज्‍या याइगु।

१ इतिहास 9:33

म्‍ये हालीपिं व बाजं थाइपिं लेवीत गुपिं लेवीतय् परिवारया नायःत खः। इमिगु लागि अलग यानातःगु क्‍वथाय् च्‍वनीगु। इमिसं छुं नं ज्‍या याये म्‍वाः, छाय्‌धाःसा इमित चान्‍हय् नं न्‍हिनय् नं ज्‍या यायेत सःतिगु।

एज्रा 3:10

परमप्रभुया देगः दय्‌कीपिन्‍सं जग तयेधुंकाः पुजाहारीत थथःगु वसः फिनाः तुरही ज्‍वनाः अले आसापया वंशयापिं लेवीत थथःगु भुस्‍याः ज्‍वनाः न्‍हापा इस्राएलयाम्‍ह जुजु दाऊदं आज्ञा ब्‍यू थें परमप्रभुयागु प्रशंसा यायेत दन।

भजनसंग्रहया सफू 132:14

वय्‌कलं धयादिल, “थ्‍व ला न्‍ह्याबलेंया लागि झासु लनेगु थाय् खः, जि थन सिंहासनय् च्‍वने, छाय्‌धाःसा जितः थ्‍व हे यः।

भजनसंग्रहया सफू 132:8

हे परमप्रभु, दनादिसँ, थःगु शक्तिया चिं बाचाया सनूनापं देगलय् झासँ अले अन न्‍ह्याबलें च्‍वनादिसँ।

इजकिएल 40:44

दुनेया मू ध्‍वाखाया पिनेपाखे, दुनेया चुकया दुने निकू क्‍वथा दु। छकू क्‍वथा उत्तरया मू ध्‍वाखाया लिक्‍क दच्‍छिनपाखे स्‍वःगु, व मेगु धाःसा दच्‍छिनया मू ध्‍वाखाया लिक्‍क उत्तरपाखे स्‍वःगु दु।