१ इतिहास 6:3 - नेवाः बाइबल

³ अम्रामया मस्‍त हारून, मोशा व मिरियम खः। हारूनया काय्‌पिं – नादाब, अबीहू, एलाजार व ईतामार खः।

१ इतिहास 6:3 ပူးပေါင်းရင်းမြစ်များ

१ इतिहास 15:10

उज्‍जीएलया सन्‍तानपाखें नायः अम्‍मीनादाब व वया ११२ म्‍ह थःथिति वल।

१ इतिहास 23:12

कहातया प्‍यम्‍ह काय्‌पिं – अम्राम, यिसहार, हेब्रोन व उज्‍जीएल।

१ इतिहास 23:13

अम्रामया काय्‌पिं – हारून व मोशा। हारूनयात ब्‍यागलं तःगु खः। व अले वया सन्‍तानयात न्‍ह्याबलेंया लागि तच्‍वकं पवित्रगु सामान देछायेत, परमप्रभुया न्‍ह्यःने बलि छायेत, वय्‌कःया न्‍ह्यःने सेवा यायेत अले न्‍ह्याबलेंया लागि वय्‌कःया नामय् मनूतय्‌त सुवाः बीत ब्‍यागलं तःगु खः।

१ इतिहास 24:22

यिसहारयापिंपाखें – शलोमोत। शलोमोतया काय्‌पिं – यहत।

१ इतिहास 6:2

कहातया काय्‌पिं – अम्राम, यिसहार, हेब्रोन व उज्‍जीएल खः।

१ इतिहास 6:4

एलाजार पीनहासया बाः खः। पीनहास अबीशूया बाः खः।

प्रस्‍थान 15:20

अले हारूनया तता मिरियम अगमवादिनीनं दम्‍फु काल। फुक्‍क मिसात नं दम्‍फु ज्‍वनाः प्‍याखं हुहुं वया ल्‍यूल्‍यू वल।

प्रस्‍थान 2:4

अले मचायात छुं जुइ ला धकाः स्‍वयेत वया तता तापाक्‍क दनाच्‍वन।

प्रस्‍थान 2:7

उबले व मचाया ततां फारोया म्‍ह्याय्‌यात न्‍यन, “जिं वनाः सुं छम्‍ह हिब्रू मिसायात छिगु निंतिं मचायात दुरु त्‍वंकेत ब्‍वना हये ला?”

प्रस्‍थान 24:1

हानं परमप्रभुं मोशायात धयादिल, “छ हारून, नादाब, अबीहू व न्‍हयेम्‍ह थकालित नापं जिथाय् च्‍वय् थहां वा अले तापाक्‍कं हे आराधना या।

प्रस्‍थान 28:1

“छं इस्राएलीतय् दथुं छिमि दाजु हारून व वया काय्‌पिं नादाब, अबीहू, एलाजार व ईतामारयात जिगु निंतिं पुजाहारीया ज्‍या यायेत थःथाय् हजि।

प्रस्‍थान 6:20

अम्रामं थः निनि योकेबेदनापं ब्‍याहा यात, वं हारून व मोशायात बुइकल। अम्राम सछि व स्‍विन्‍हय्‌दँ तक म्‍वात।

प्रस्‍थान 6:23

हारूनं अम्‍मीनादाबया म्‍ह्याय्, नहशोनया केहेँ एलीशेबानापं ब्‍याहा यात। वं वयापाखें नादाब, अबीहू, एलाजार व ईतामारयात बुइकल।

लेवी 10:1

हारूनया काय्‌पिं नादाब व अबीहूं थथःगु गुँगू थनेगु मकः कयाः उकी मि थन, अले व मिइ धुपाँय्‌ तयाः परमप्रभुं उजं बियामदीगु मि तयाः वय्‌कःया न्‍ह्यःने छाल।

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 10:16

मोशां पापबलिया बारे न्‍यंनेकने याःबलय् छ्वय्‌के धुंकूगु सीकल। अले व हारूनया ल्‍यंदुपिं काय्‌पिं एलाजार व ईतामारलिसे तंम्‍वल। अले वं इमित धाल,

मीका 6:4

जिं ला छिमित मिश्र देशं पित हया, छिमित दासत्‍वया देशं लिफ्‍याना हया। अले मोशा, हारून व मरियमयात छिमिगु नायः जुइत छ्वयाहया।