१ इतिहास 4:9 - नेवाः बाइबल

⁹ याबेस थः दाजुकिजापिं स्‍वयाः इज्‍जत दुम्‍ह खः। मांम्‍हय्‌सिनं वयात याबेस नां ब्‍यूगु खः। छाय्‌धाःसा व बूबलय् मांम्‍हय्‌सिनं यक्‍व कसाः नःगु खः।

१ इतिहास 4:9 ပူးပေါင်းရင်းမြစ်များ

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

उत्‍पत्ति 34:19

शकेम छेँजःपिं मध्‍ये दक्‍वसिबय् अप्‍वः हनातःम्‍ह मनू खः। व याकूबया म्‍ह्याय्‌या मतिनाय् लायेधुंकूगुलिं वं थ्‍व ज्‍या यायेत लिबाका मच्‍वन।

उत्‍पत्ति 35:18

राहेलं थः सीगु सीकाः सी न्‍ह्यः वं मचायागु नां बेन-ओनी तल। बौम्‍हं धाःसा वयागु नां बेन्‍यामीन तयाबिल।

१ इतिहास 4:10

तर याबेसं इस्राएलयाम्‍ह परमेश्‍वरयात थथे धकाः प्रार्थना यात, “हे परमेश्‍वर, जितः आशिष बियादिसँ। जितः तःकूगु इलाका बियादिसँ। जिं यानागु न्‍ह्यागु नं ज्‍याय् छि जिनापं च्‍वनादिसँ। जितः कसाः बीगु दुःखपाखें बचय् यानादिसँ।” अले परमेश्‍वरं वयागु बिन्‍ति न्‍यनादिल।

१ इतिहास 4:8

कोस आनूब व हज्‍जोबेबा अले हारूमया काय् अहर्हेलया वंशतय् बाः खः।

१ इतिहास 7:23

अनंलि एफ्राइम थः कलाःलिसे द्यन। अले वया कलाःया प्‍वाथय् दत। वं छम्‍ह काय् बुइकल। थःगु परिवारय् विपत्ति वःगु जुयाः एफ्राइमं उम्‍ह काय्‌या नां बरीआ धकाः तल।

हितोपदेश 23:25

थः मां बौयात लय्‌ताय्‌की, थःत बुइकूम्‍ह मांयात लय्‌ताय्‌की।

यशैया 43:4

छ जिगु मिखाय् तसकं मू वंम्‍ह व हनाबना दुम्‍ह जूगुलिं, जिं छन्‍त माया यानागुलिं जिं मनूतय्‌त छंगु पलेसा व जात जातितय्‌त छंगु जीवनया पलेसा बी।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

१ शमूएल 4:21

मचाया नां ईकाबोद तयाः वं थथे धाल, “इस्राएलपाखें परमेश्‍वरया महिमा तनावंगु दु।” थुकथं वं परमेश्‍वरया बाचाया सनू लाकायंकूगु अले थः ससःबौ व भाःतयात स्‍याःगु खँ प्‍वंकल।