१ इतिहास 3:2 - नेवाः बाइबल

² साइँलाम्‍ह काय् अब्‍शालोम, थ्‍वया मां गशूरयाम्‍ह जुजु तल्‍मैया म्‍ह्याय् माका खः। काइँलाम्‍ह अदोनियाह, थ्‍वया मां हग्‍गीत खः।

१ इतिहास 3:2 ပူးပေါင်းရင်းမြစ်များ

२ शमूएल 13:1

दाऊदया काय् अब्‍शालोमया तामार नांयाम्‍ह छम्‍ह तसकं बांलाःम्‍ह केहेँ दु। दाऊदया मेम्‍ह काय् अमनोन वयागु मतिनाय् भुलय् जुल।

२ शमूएल 13:38

अब्‍शालोम गशूरय् बिस्‍युं वनाः स्‍वदँ तक अन हे च्‍वन।

२ शमूएल 14:23

अनंलि व थत्‍थें गशूरय् वनाः अब्‍शालोमयात यरूशलेमय् लितब्‍वनाहल।

२ शमूएल 14:32

अब्‍शालोमं धाल, “स्‍व, जिं छपाखें जुजुयाथाय् खबर छ्वये फइ ला धकाः छन्‍त थन सःतके छ्वयाहया। जि गशूरं थन वयाः छाय् च्‍वंवया च्‍वनेमाल? जि अन हे च्‍वनाच्‍वंसा ज्‍यूगु नि। अथे जुयाः आः जि जुजुया न्‍ह्यःने दंवने दयेमाः। अले जिं छुं द्वंकागु दुसा वय्‌कलं जितः स्‍यायेमा।”

२ शमूएल 15:8

छःपिनि दास जि अराम देशया गशूरय् च्‍वंच्‍वनाबलय् परमप्रभुनापं थथे धकाः भाकल यानागु खः, परमप्रभुं जितः यरूशलेमय् लितब्‍वनाहयादिल धाःसा जिं हेब्रोनय् परमप्रभुया आराधना याये।”

२ शमूएल 18:14

योआबं धाल, “छनापं खँ ल्‍हानाः जिं थःगु ई सितिं छ्वये मखु।” अले योआब अब्‍शालोम दुथाय् वन, अले वं स्‍वंगू च्‍वामुसे च्‍वंगु कथि कयाः म्‍वाःम्‍वाकं हे सिमाय् यग्‍गायाच्‍वंम्‍ह अब्‍शालोमया छातिइ सुयाबिल।

२ शमूएल 18:18

अब्‍शालोमं थः म्‍वानाच्‍वंबलय् जुजुया ब्‍यासिइ छगू थां धस्‍वाकूगु खः छाय्‌धाःसा वं थथे बिचाः याइगु, “जिगु नां ल्‍यंकातयेत जि छम्‍ह नं काय् मदु।” अथे जुयाः वं व थांयात थःगु हे नां तल, अले थौं तक नं व थांयात अब्‍शालोमया झ्‍वाता धकाः धाइ।

२ शमूएल 18:33

अनंलि जुजु तसकं दुःख मन ताय्‌काः मू ध्‍वाखाया च्‍वय्‌यागु कोथाय् वनाः ख्‍वः वन, अले जुजु थथे धाधां ख्‍वख्‍वं वन, “जिम्‍ह पुताः! जिमि काय् अब्‍शालोम, जिकाय् अब्‍शालोम! छंगु पलेसा जि सीगु जूसा ज्‍यूगु नि! अय् अब्‍शालोम, जिकाय्, जिकाय्!”

२ शमूएल 3:3

वया माइलाम्‍ह काय् किलाब खः, थ्‍वया मां कर्मेलयाम्‍ह सी धुंकूम्‍ह नाबालया कलाः अबीगेल खः। साहिँलाम्‍ह काय् अब्‍शालोम खः, थ्‍वया मां गशूरयाम्‍ह जुजु तल्‍मैया म्‍ह्याय् माका खः।

२ शमूएल 3:4

काहिँलाम्‍ह अदोनियाह खः, थ्‍वया मां हग्‍गीत खः। ठाहिँलाम्‍ह शपत्‍याह खः, थ्‍वया मां अबीतल खः।

१ राजा 1:5

दाऊदया काय् अदोनियाह, गुम्‍हय्‌सिया मां हग्‍गीत खः, वं “जि हे जुजु जुये” धकाः फुइँ यात। उकिं वं थःगु लागि रथ, सलगइपिं व नेय्‌म्‍ह थःगु न्‍ह्यःने न्‍ह्यःने ब्‍वाँय् जुइपिं मनूत तयार यात।

१ राजा 1:6

वया बौम्‍हं वयात, “छं थथे छाय् यानागु” धकाः गुबलें ब्‍वःब्‍यूगु मदु। अदोनियाह नं छम्‍ह तसकं बांलाःम्‍ह मनू खः, व अब्‍शालोम स्‍वयाः लिपा बूम्‍ह खः।

१ राजा 2:22

जुजु सोलोमनं थः मांयात लिसः बिल, “अदोनियाहया निंतिं छिं छाय् शूनम्‍मी अबीशगयात हे फ्‍वनादीयागु? छिं वयागु निंतिं राज्‍य हे फ्‍वनादीगु जूसा नं ज्‍यूगु नि! व जिमि दाजु खः, अले अबियाथार पुजाहारी व सरूयाहया काय् योआबं वयागु पंलीगु दु धकाः छिं स्‍यू।”

१ इतिहास 2:23

तर गशूर व अरामं इमिगुपाखें हब्‍बात-याईर व केनातयात उकिया जःखः च्‍वंगु खुइगू शहरनापं त्‍याका काल। थुपिं सकले गिलादया बाः माकीरया सन्‍तान खः।

१ इतिहास 3:1

हेब्रोनय् बूपिं दाऊदया काय्‌पिं थुपिं हे खः – तःधिकःम्‍ह काय् अमनोन, थ्‍वया मां यिजरेलयाम्‍ह अहीनोम खः। माइलाम्‍ह दानिएल, थ्‍वया मां कर्मेलयाम्‍ह अबीगेल खः।

१ इतिहास 3:3

न्‍याम्‍हम्‍ह शपत्‍याह, थ्‍वया मां अबीतल खः। अले चिधिकःम्‍ह यित्राम, थ्‍वया मां दाऊदया कलाः एग्‍ला खः।

यहोशू 13:13

अय्‌नं इस्राएलीतय्‌सं गशूरीत व माकातीतय्‌त लिना मछ्वः। अथे जुयाः इपिं थौं तक नं इस्राएलीतय् दथुइ च्‍वनाच्‍वंगु दु।