१ इतिहास 3:12 - नेवाः बाइबल

¹² योआशया काय् अमस्‍याह खः, अमस्‍याहया काय् अजर्याह खः, अजर्याहया काय् योताम खः,

१ इतिहास 3:12 ပူးပေါင်းရင်းမြစ်များ

२ राजा 14:1

इस्राएलयाम्‍ह जुजु येहोआहाजया काय् येहोआशं राज्‍य यानाच्‍वंगु निगूगु दँय् योआशया काय् अमस्‍याह यहूदायाम्‍ह जुजु जुल।

२ राजा 14:21

यहूदाया फुक्‍क मनूतय्‌सं झिंखुदँ दुम्‍ह अजर्याहयात वया बौ अमस्‍याहया थासय् जुजु दय्‌कल।

२ राजा 15:30

उज्‍जियाहया काय् योतामं राज्‍य यानाच्‍वंगु निइगूगु दँय् एलाहया काय् होशियां रमल्‍याहया काय् पेकहया विरोधय् ग्‍वःसा ग्‍वयाः वयात स्‍यानाबिल। अले वयागु थासय् थः जुजु जुल।

२ राजा 15:32

इस्राएलया जुजु रमल्‍याहया काय् पेकहं राज्‍य यानाच्‍वंगु निगूगु दँय् उज्‍जियाहया काय् योताम यहूदाया जुजु जुल।

२ राजा 15:5

परमप्रभुं वयात छेंगूया पुनेयःगु ल्‍वचं कय्‌काः सजाँय बियादिल। व सी न्‍ह्यः तक नं छेंगूया पुनेयःगु ल्‍वय् जुयाच्‍वन। छेंगूया पुनेयःगु ल्‍वय् जूगुलिं व ब्‍यागलं मेगु हे छेँय् च्‍वन। दरबारया फुक्‍क जिम्‍मा वया काय् योतामयात बिल। वया काय् योतामं देशय् शासन यात।

२ राजा 15:7

अजर्याह थः पुर्खात थें सीधुंकाः वयात इपिंनापं दाऊदया शहरय् थुन। वया थासय् वया काय् योताम जुजु जुल।

१ इतिहास 3:11

यहोशापातया काय् यहोराम खः, यहोरामया काय् अहज्‍याह खः, अहज्‍याहया काय् योआश खः,

१ इतिहास 3:13

योतामया काय् आहाज खः, आहाजया काय् हिजकिया खः, हिजकियाया काय् मनश्‍शे खः,

२ इतिहास 25:1

अमस्‍याह निइन्‍यादँ दुबलय् जुजु जूगु खः, वं यरूशलेमय् निइगुदँ राज्‍य यात। वया मांया नां यरूशलेमयाम्‍ह यहोअदीन खः।

२ इतिहास 26:1

अले यहूदायापिं फुक्‍कं मनूतय्‌सं झिंखुदँ दुम्‍ह उज्‍जियाहयात वया अबु अमस्‍याहया थासय् जुजु दय्‌कल।

२ इतिहास 27:1

योताम निइन्‍यादँ दुबलय् जुजु जूगु खः, वं यरूशलेमय् झिंखुदँ राज्‍य यात। वया मांया नां यरूशा, सादोकया म्‍ह्याय् खः।