१ इतिहास 24:2 - नेवाः बाइबल

² नादाब व अबीहू धाःसा थः बौ स्‍वयां न्‍हापा हे सित, इमि सुं काय्‌पिं मदु। उकिं एलाजार व ईतामार पुजाहारीया ज्‍या यात।

१ इतिहास 24:2 ပူးပေါင်းရင်းမြစ်များ

प्रस्‍थान 24:1

हानं परमप्रभुं मोशायात धयादिल, “छ हारून, नादाब, अबीहू व न्‍हयेम्‍ह थकालित नापं जिथाय् च्‍वय् थहां वा अले तापाक्‍कं हे आराधना या।

प्रस्‍थान 24:9

अनं लिपा मोशा, हारून, नादाब, अबीहू व न्‍हयेम्‍ह थकालित च्‍वय् थहां वन।

प्रस्‍थान 29:9

अले जँनी चिकाः इमित बेतालि हिनाब्‍यु। थुगु ज्‍यापाखें हारूनया सन्‍तानतय्‌सं पुजाहारीया सेवा न्‍ह्याबलें यायेमाः। थुकथं छं हारून व वया काय्‌पिन्‍त अभिषेक या।

प्रस्‍थान 6:23

हारूनं अम्‍मीनादाबया म्‍ह्याय्, नहशोनया केहेँ एलीशेबानापं ब्‍याहा यात। वं वयापाखें नादाब, अबीहू, एलाजार व ईतामारयात बुइकल।

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 10:2

उकिं परमप्रभुयापाखें मि पिहां वयाः इमित परमप्रभुया न्‍ह्यःने स्‍यानाबिल।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

गन्‍ती 26:61

नादाब व अबीहू धाःसा परमप्रभुया न्‍ह्यःने छाये मत्‍यःगु मि छाःबलय् सिनावन।

गन्‍ती 3:2

हारूनया काय्‌पिनिगु नां तःधिकःम्‍ह नादाब, अबीहू, एलाजार व ईतामार खः।

गन्‍ती 3:4

नादाब व अबीहू धाःसा सीनैया मरुभूमिइ परमप्रभुयात छाये मत्‍यःगु मि छाःबलय् अन हे सित। इमि काय्‌मस्‍त नं मदुगुलिं एलाजार व ईतामारं जक थः बौ हारून म्‍वानाच्‍वंतले पुजाहारी जुयाः सेवा यात।