१ इतिहास 22:3 - नेवाः बाइबल

³ वं ध्‍वाखाया लागिं नकिं व कब्‍जा दय्‌केत यक्‍व न बिल। अले कँय् नं लने हे मफयेक बिल।

१ इतिहास 22:3 ပူးပေါင်းရင်းမြစ်များ

१ राजा 7:47

सोलोमनं फुक्‍क थलबल मलंसे तया तल छाय्‌धाःसा उपिं थलबल यक्‍व दु। कँय्‌या तौल थुलि दु धकाः धाये थाकु।

१ इतिहास 22:14

“जिं परमप्रभुया देगः दय्‌केत दुःख यानाः ३,४०० टन लुँ व ३४,००० टन वहः मुंकागु दु। उलि जक मखु लने हे मफय्‌कः कँय् वन नं मुंकागु दु। जिं सिँ व ल्‍वहं नं यक्‍व हे तयार यानागु दु, तर छं उकी मेगु तने फु।

१ इतिहास 29:2

जिं फयांफत्तले जिमि परमेश्‍वरया देगःया लागि माःगु सामान ज्‍वरय् यायेगु कुतः यानागु दु – लुँ, वहः, कँय्, न, सिँ, मू वंगु थी व रत्‍नत, छाय्‌पिये याइगु थीथी रंगयागु ल्‍वहंत व यक्‍व दुरु ल्‍वहं थन दु।

१ इतिहास 29:7

थथःगु इच्‍छां परमेश्‍वरया देगःया निंतिं १७० टन स्‍वयाः अप्‍वः लुँ, ३४० टन स्‍वयाः अप्‍वः वहः, ६२० टन ति कँय् व ३,४०० टन स्‍वयाः अप्‍वः न बिल।

२ इतिहास 4:18

सोलोमनं थुपिं फुक्‍क अप्‍वः दय्‌कल, कँय् यक्‍व दुगुलिं सुनानं कँय् लनेगु कुतः मया।

यर्मिया 52:20

उपिं निपु थां, छगः कँय्‌यागु तग्‍वःगु त्‍यांकि, उकिया क्‍वय् दुगु झिंनिम्‍ह कँय्‌यागु द्वहंत, थुखे उखे यंके ज्‍यूगु लिधंसात गुगु सोलोमन जुजुं परमप्रभुया देगःया निंतिं दय्‌कूगु खः उपिं फुक्‍क लने हे मफय्‌क दु।

व्‍यवस्‍था 8:9

व देशय् छिमित अन्‍न मगाःमचाः जुइ मखु। अन छिमित छुं नं कम जुइ मखु। व देशयागु ल्‍वहं थें हे नँ न्‍ह्याथाय्‌सं दइ, अले डाँडाय् डाँडाय् सिजः यक्‍व दइ।