१ इतिहास 22:2 - नेवाः बाइबल

² उकिं दाऊदं इस्राएलय् च्‍वनाच्‍वंपिं परदेशीतय्‌त छथाय् मुनेगु आज्ञा बिल, अले इपिं मध्‍ये वं ल्‍वहं कःमि मनूत ल्‍यल। इमिगु ज्‍या परमेश्‍वरया देगः दय्‌केत ल्‍वहं चायेगु खः।

१ इतिहास 22:2 ပူးပေါင်းရင်းမြစ်များ

२ शमूएल 5:11

टुरोसया जुजु हीरामं दूतत दाऊदयाथाय् छ्वत। अले वं इपिं नापं सिकःमि-दकःमित व देवदारुया सिँ नं छ्वल। इमिसं दाऊदया निंतिं छगू दरबार नं दय्‌कल।

१ राजा 6:7

देगः दय्‌कूबलय् ल्‍वहंया खानिइ हे चाना हःगु कुचात जक छ्यल। देगः दय्‌काच्‍वंतले उगु थासय् मुगः, कतां वा छुं नं कथंयागु नया ज्‍याभःया सः ताये मदु।

२ राजा 12:12

सिँकःमित, दकःमित व ल्‍वहं चाइपिनिगु ज्‍याला बीगु। इमिसं परमप्रभुया देगः ल्‍ह्वनेत सिँ व चानातःगु ल्‍वहं न्‍यात अले देगः ल्‍ह्वनेत मामाःथाय् खर्च यात।

२ राजा 22:6

अर्थात सिकःमि, दकःमि व दय्‌किपिन्‍त। देगः ल्‍ह्वनेत सिँ व चानातःगु ल्‍वहं इमिसं न्‍यायेमा।

१ इतिहास 14:1

टुरोसयाम्‍ह जुजु हीरामं दाऊदयाथाय् दूतत छ्वल। वं दाऊदया लाय्‌कू दनेत खयःसिँ, दँकःमित व सिँकःमित नं छ्वल।

१ इतिहास 29:1

अनंलि जुजु दाऊदं सकल मनूतय्‌त धाल, “परमेश्‍वरं ल्‍ययादीम्‍ह मनू जिमि काय् सोलोमन खः, तर व ल्‍याय्‌म्‍हचा हे तिनि, अले वयाके अनुभव मदु। थ्‍व ज्‍या तःधं, छाय्‌धाःसा थ्‍व देगः मनूया लागि मखु परमप्रभु परमेश्‍वरया निंतिं खः।

२ इतिहास 2:16

छितः लेबनानं गुलि सिँ माः, जिमिसं उलि सिँ पाले। अले सिँ चिनाः नांचा थे दय्‌काः भूमध्‍यसागरया लँपुं छिथाय् योप्‍पा तक छ्वयाहये। अनं छिं यरूशलेमय् यंकादिसँ।”

२ इतिहास 2:17

थः अबु दाऊदं मनूत ल्‍याः खाःगु थें सोलोमनं इस्राएलय् च्‍वंपिं विदेशीत ल्‍याः खात। थुपिं १,५३,६०० म्‍ह दु।

एज्रा 3:7

इमिसं दकःमि व सिकःमितय्‌त धिबा अले सीदोन व टुरोसय् च्‍वंपिं मनूतय्‌त लेबनानं समुद्रया लँपु जुयाः योप्‍पा तक देवदारुया सिँ हयेत नयेगु नसा त्‍वँसा व चिकं बिल। छाय्‌धाःसा फारसयाम्‍ह जुजु कोरेसं थथे यायेत मन्‍जुरी ब्‍यूगु खः।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।