१ इतिहास 21:3 - नेवाः बाइबल

³ योआबं लिसः बिल, “परमप्रभुं इस्राएलयापिं मनूतय्‌त सछिदुगं अप्‍वः दय्‌काबीमा। महाराज, उपिं सकलें छसपोलया प्रजा, मखु ला? छिं छाय् थथे यानादीगु? छिं इस्राएलय् छाय् दोष हयादीगु?”

१ इतिहास 21:3 ပူးပေါင်းရင်းမြစ်များ

उत्‍पत्ति 20:9

अले अबीमेलेकं अब्राहामयात सःताः न्‍यन, “छं जिमित छु यानागु? जिं छंगु छु स्‍यंकागु दु धकाः जितः व जिगु देशयात थपाय्‌धंगु द्वपं बीत्‍यनागु? छं जितः याये मज्‍यूगु ज्‍या यात।

१ राजा 14:16

यारोबामं याःगु पाप व वं इस्राएलीतय्‌त याकूगु पापं यानाः परमप्रभुं इस्राएलयात त्‍वःतादी।”

२ राजा 12:7

उकिं योआश जुजुं यहोयादा पुजाहारी व मेपिं पुजाहारीतय्‌त सःताः धाल, “छिमिसं छाय् देगः मल्‍ह्वनागु? आवंलि छिमिसं थः दांभरितके धिबा काये मते, तर देगः ल्‍ह्वनेत धिबा लःल्‍हानाब्‍यु।”

१ इतिहास 19:13

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

१ इतिहास 21:4

अय्‌नं जुजु दाऊदं थःगु बिचाः महीकू। जुजुं धाःथें हे योआबं यायेमाल। अले योआब वनाः इस्राएल न्‍यंक चाःहिलाः मनूत ल्‍याः खानाः यरूशलेमय् लिहां वल।

भजनसंग्रहया सफू 115:14

परमप्रभुं मचाखाचात बियादीमा, छन्‍त व छिमि काय् छय्‌पिन्‍त नं।

प्रस्‍थान 30:12

“छं इस्राएलीत ल्‍याः खाइबलय् इमिके महामारी मवयेमा धकाः फुक्‍कसिनं थथः ल्‍याःखाःगु इलय् परमप्रभुयात छुत्‍काराया मू पुलेमाः। अले छं इमित ल्‍याःखाइबलय् महामारी वइ मखु।

प्रस्‍थान 32:21

अनंलि मोशां हारूनयात धाल, “थुपिं मनूतय्‌सं छितः छु याःगु दु धकाः छिं थुमित थुलि तःधंगु पाप याके बियागु?”

हितोपदेश 14:28

सुं नं जुजु गुलि तःधं धयागु वया गुलि प्रजा दु धयागुलिं क्‍यनी, प्रजा मदय्‌कं जुजु धयापिं छुं नं मखु।

यशैया 26:15

परमप्रभु, छिं जिमि जातियात ब्‍वलने बियादीगु दु। उकिया सिमाना चाकःछिं न्‍यनावने बियादीगु दु। थुकिं यानाः छिगु हनाबना जूगु दु।

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

व्‍यवस्‍था 1:11

परमप्रभु छिमि पुर्खाया परमेश्‍वरं छिमित द्वःछि दुगं अप्‍वय्‌कादीमा अले वय्‌कलं बाचा यानादीगु थें छिमित सुवाः बियादीमा।

यहोशू 22:15

इपिं रूबेनी, गादी व मनश्‍शेया बच्‍छि कुलयाथाय् गिलाद देशय् थ्‍यनाः इमित थथे धाल,

१ शमूएल 2:24

थथे याये मज्‍यू जिमि काय्‌पिं! परमप्रभुया मनूतय्‌सं छिमिगु बारे धाःगु खँ तसकं बांमलाः।