१ इतिहास 21:2 - नेवाः बाइबल

² दाऊदं योआब व थः सेनाया कप्‍तानतय्‌त थथे धाल, “फुक्‍क इस्राएल देशय् दच्‍छिनय् च्‍वंगु बेर्शेबा शहरंनिसें उत्तरय् दान तक हुँ, मनूत ल्‍याः खानाः जितः धा। अले इपिं ग्‍वःम्‍ह दु धकाः जिं सीके फइ।”

१ इतिहास 21:2 ပူးပေါင်းရင်းမြစ်များ

२ कोरिन्‍थी 12:7

थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

हितोपदेश 29:23

घमण्‍डं मनूतय्‌त पतन यानाबी। क्‍वमिलु जुयाः जुइपिन्‍सं हनाबना काइ।

२ इतिहास 30:5

अले इमिसं बेर्शेबांनिसें दान तक हे इस्राएलया फुक्‍क थासं मनूत परमप्रभु इस्राएलया परमेश्‍वरया निंतिं छुत्‍काराया नखः हनेत यरूशलेमय् वये हे माः धकाः घोषणा यायेगु क्‍वःछित। थ्‍व स्‍वयां न्‍ह्यः व्‍यवस्‍थाय् च्‍वया तः थें यक्‍व मनूत वयाः थ्‍व नखः हंगु मदुनि।

१ राजा 4:25

सोलोमनयागु जिवंकाछि हे उत्तरय् दानंनिसें कयाः दच्‍छिनय् बेर्शेबा तक यहूदा व इस्राएल याउँक च्‍वन, फुक्‍क मनूत थथःगु दाखमा व यःमरिमाया क्‍वय् याउँक च्‍वन।

२ शमूएल 24:15

उकिं सुथंनिसें क्‍वःछिनातःगु ई तक परमप्रभुं इस्राएल न्‍यंकं छगू महामारी छ्वयाहयादिल। दानंनिसें कयाः बेर्शेबा तक न्‍हयेद्वः (७०,०००) मनूत महामारी कयाः सित।

२ शमूएल 17:11

अथे जुयाः जिगु थ्‍व सल्‍लाह दु, दानंनिसें दच्‍छिनया बेर्शेबाया सिथय् तक दुपिं फुक्‍क इस्राएलीतय्‌त छथाय् मुंकि। इपिं समुद्रया सिथय् च्‍वंगु फि थें अल्‍याख दइ, अले छि थः हे लडाइँलय् इमिगु न्‍ह्यलुवाः जुयाः यंकी।

२ शमूएल 3:10

जिं शाऊलया घरानायात क्‍वफायेगु अले दाऊदयात दानंनिसें बेर्शेबा तक इस्राएल व यहूदायात सिंहासनय् तयेगु ज्‍या याये।”

१ शमूएल 3:20

अनंलि उत्तरय् दानंनिसें बेर्शेबा तकयापिं फुक्‍क इस्राएलीतय्‌सं शमूएल परमप्रभु पाखेंयाम्‍ह अगमवक्ता खः धकाः म्‍हसिल।

न्‍यायकर्ता 20:1

अले उत्तरय् दानंनिसें दच्‍छिनय् बेर्शेबातक व पुर्बय् गिलादंनिसें सकलें इस्राएलीत पिहां वल। इपिं छप्‍पँ जुयाः परमप्रभुया न्‍ह्यःने मिस्‍पाय् मुन।

उत्‍पत्ति 21:14

कन्‍हय् खुन्‍हु सुथ न्‍हापां अब्राहामं लः दुगु छेंगूया छगः थल व मरि हयाः हागारया ब्‍वहलय् तयाबिल। अले काय्‌म्‍हनापं वयात अनं छ्वयाबिल। इपिं बेर्शेबाया मरुभूमिइ उखेंथुखें जुयाः जुल।