१ इतिहास 17:9 - नेवाः बाइबल

⁹ जिं थः प्रजा इस्राएलया निंतिं छगूथाय् ल्‍यये। जिं अन हे इमित तये अले इपिं थःगु हे देशय् च्‍वनी। इमित आवंलि दुःख बी मखुत।

१ इतिहास 17:9 ပူးပေါင်းရင်းမြစ်များ

१ इतिहास 17:10

अले जिं थः प्रजा इस्राएलया निंतिं न्‍याय याइपिं मनूत ल्‍ययागु इलंनिसें थुखे इमिसं न्‍हापा दुःख ब्‍यू थें दुष्‍ट मनूतय्‌सं इमित हाकनं गुबलें दुःख बी मखुत। जिं छिमि सकल शत्रुतय्‌त नं नाश यानाबी। “‘जि परमप्रभुं छंगु निंतिं छगू घराना दय्‌काबी धकाः जिं छन्‍त धाये।

१ इतिहास 17:8

छ गन गन वन, जि छनापं च्‍वना, अले जिं छिमि शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।

भजनसंग्रहया सफू 44:2

छिं थःगु हे शक्तिं जाति जातियापिं मनूतय्‌त पितिनाः इमिगु थासय् जिमि पुर्खातय्‌त तयादिल। छिं इमि शत्रुतय्‌त क्‍वत्‍यलाः इमित ब्‍वलंकादिल।

भजनसंग्रहया सफू 89:22

सुं शत्रुं वयात झंगः लाये खनी मखु, सुं दुष्‍टं वयात क्‍वह्यंके खनी मखु।

भजनसंग्रहया सफू 92:13

इपिं परमप्रभुया देगलय् प्‍यूगु सिमा थें जुइ, इपिं झी परमेश्‍वरया चुकय् च्‍वन्‍ह्याया वइ,

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

यशैया 49:17

छन्‍त हाकनं दय्‌कीपिं याकनं लिहां वइ, छन्‍त नाश याइपिं छन्‍त त्‍वःतावनी।

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यर्मिया 24:6

जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

यर्मिया 32:41

इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

इजकिएल 28:4

छंगु बुद्धि व दुग्‍यानं छं थःगु निंतिं यक्‍व धन-सम्‍पत्ति कमय् याःगु दु, छं थःगु धुकुतिइ लुँ व वहः मुंकूगु दु।

इजकिएल 34:13

जिं इमित जाति जातिया थासं लिगना हये, अले देश देशं मुंके। जिं इमित इमिगु थःगु हे देशय् हये, जिं इमित इस्राएलया पहाड पहाडय् उकिया खुसिचा खुसिचाय् व देशयागु फुक्‍क बस्‍तीइ ज्‍वये।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

आमोस 9:15

जिं जि प्रजा इस्राएलयात इमित बियागु देशय् पी, इमित सुनानं हाकनं लिनाकाये फइ मखु,” परमप्रभु छिमि परमेश्‍वरं धयादी।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

प्रकाश 21:4

वय्‌कलं इमिगु मिखाय् च्‍वंगु ख्‍वबि सुचुक हुयादी। आः अन इपिं सी माली मखुत, दुःखं च्‍वने म्‍वाःल, ख्‍वय् म्‍वाःल, अले छुं नं दुःख जुइ मखुत। पुलांगु ज्‍याखँ फुक्‍कं मदयावने धुंकल।”