१ इतिहास 17:6 - नेवाः बाइबल

⁶ गन गन जि इस्राएलनापं वयेगु वनेगु यानाः छु जिं जिगु लागि देवदारु सिँया देगः छाय् मदय्‌कागु धकाः इमि नायःतय्‌त न्‍यना ला?’”

१ इतिहास 17:6 ပူးပေါင်းရင်းမြစ်များ

२ शमूएल 7:7

गन जि फुक्‍क इस्राएलनापं वयेगु वनेगु यानाः छु जिं जिगु लागि देवदारु सिँया देगः छाय् मदय्‌कागु धकाः जिमि प्रजा इस्राएलया जवाः जुइत जिं आज्ञा बियापिं सुं नायःयात न्‍यना ला?’”

१ राजा 8:16

‘जिमि मनूतय्‌त मिश्रं पित हयागु दिनंनिसें आः तक जिं जिगु नांया इज्‍जतया निंतिं इस्राएलया छुं नं कुलय् गन नं देगः दय्‌केत शहर ल्‍ययागु मदुनि। तर दाऊदयात जिमि मनूतय्‌त शासन यायेत ल्‍ययागु दु।’”

१ इतिहास 11:2

न्‍हापा शाऊल जुजु जुयाच्‍वंबलय् नं छि लडाइँलय् जिमि सिपाइँतय् न्‍ह्यलुवाः जुयादीगु खः। अले परमप्रभु छिकपिनि परमेश्‍वरं छितः थथे धयादिल, ‘छ जिम्‍ह मनूतय् जवाः व शासक जुइ।’”

१ इतिहास 17:7

“उकिं आः वनाः जिम्‍ह दास दाऊदयात थथे धा, ‘दक्‍व शक्ति दुम्‍ह परमप्रभुं थथे धयादी, जिं छन्‍त ख्‍यलय् फैच्‍वलय् ज्‍वयेगु ज्‍यां लिकयाः इस्राएलया जिमि मनूतय् जुजु दय्‌का।

यर्मिया 23:4

जिं इमिगु लागि फैजवाःत तये। इमिसं इमित बिचाःसंचाः याइ। जिमि मनूत गुबलें ग्‍याइ मखु। इपिं मध्‍ये सुं नं तनी मखु,” परमप्रभुं धयादी।

इजकिएल 34:2

“अय् सीमानिम्‍ह मनू, इस्राएलया फैजवाःतय्‌गु विरोधय् अगमवाणी यानाः उपिं फैजवाःतय्‌त थथे धा! ‘परमप्रभु परमेश्‍वरं थथे धयादी – धिक्‍कार दु, थःगु जक वास्‍ता याइपिं इस्राएलया फैजवाःतय्‌त। छु! फैजवाःतय्‌सं फैच्‍वलय्‌तय्‌गु जक वास्‍ता यायेमाःगु, मखु ला?

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

मत्ती 2:6

“‘हे यहूदियाया बेथलेहेम, छ यहूदियाया जुजुपिनिगु न्‍ह्यःने छुं कथं नं चिधं मजू, छाय्‌धाःसा छंगुपाखें छम्‍ह तःधंम्‍ह जुजु पिहां वइतिनि। व जिमि मनू इस्राएलीतय् जवाः जुइतिनि।’”

प्रेरित 13:20

थथे जुइत प्‍यसः व नेय्‌दँ (४५०) बित। “अनं लिपा इमित राज्‍य याकेत परमेश्‍वरं न्‍यायाधीशत छ्वयाहयादिल। थुमिसं शमूएल धाःम्‍ह अगमवक्तायागु पालय् तक ज्‍या यात।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

व्‍यवस्‍था 23:14

परमप्रभु छिमि परमेश्‍वर छिमित बचय् यायेत अले छिमिगु निंतिं छिमि शत्रुतय्‌त बुकेत छिमिगु छाउनीइ चाःहिलादी। अथे जुयाः छिमिगु छाउनी पवित्र जुइमाः। वय्‌कलं छिमिगु दथुइ घच्‍चाइपुगु छुं नं मखनेमा, मखुसा वय्‌कलं छिमित त्‍वःतादी।

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

१ शमूएल 12:11

अले परमप्रभुं यरूब-बाल, बाराक, यिप्‍ता व जि शमूएलयात छिमि प्‍यखेरं च्‍वंपिं शत्रुतपाखें छिमित छुत्‍कारा बीत छ्वयाहयादिल। अनंलि छिपिं याउँक च्‍वन।