१ इतिहास 16:4 - नेवाः बाइबल

⁴ परमप्रभुया सनूया न्‍ह्यःने सेवा यायेत, वय्‌कःयात इनाप यायेत, सुभाय् देछायेत अले परमप्रभु, इस्राएलयाम्‍ह परमेश्‍वरया प्रशंसा यायेत दाऊदं छुं लेवीत ल्‍यल।

१ इतिहास 16:4 ပူးပေါင်းရင်းမြစ်များ

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

उत्‍पत्ति 32:28

व मनुखं धाल, “आवंलि छंगु नां याकूब मखु, इस्राएल जुल। छाय्‌धाःसा छं परमेश्‍वर व मनूतलिसे कुश्‍ती ल्‍वानाः त्‍याकल।”

उत्‍पत्ति 33:20

वं अन छगू वेदी दय्‌कल। अले उकियात एल-एलोह-इस्राएल धकाः नां तल।

१ राजा 8:15

अले वं धाल, “परमप्रभु इस्राएलया परमेश्‍वरया प्रशंसा जुइमा! वय्‌कलं जिमि बाः दाऊदयात थ्‍व बचं बियादीगु खः अले व पूरा नं यानादीगु दु।

१ इतिहास 15:16

अनंलि दाऊदं लेवीतय् नायःतय्‌त इमि थःथितिपिन्‍त लसताया म्‍ये हालेत व सारंगी, वीणा व भुस्‍यालं संगीत थायेत म्‍ये हालीपिं व बाजं थाइपिंकथं ल्‍यः धकाः आज्ञा बिल।

१ इतिहास 16:3

अले वं सकलें इस्राएली मिजंत व मिस्‍तय्‌त छपा छपा मरि, छगः छगः खजूर व छज्‍वाँय् छज्‍वाँय् किसमिस इनाबिल।

१ इतिहास 16:5

इमि नायः आसाप खः। अले वया ल्‍यूयाम्‍ह जकरिया खः। यीएल, शमीरामोत, यहीएल, मत्तित्‍याह, एलीआब, बनायाह, ओबेद-एदोमयात वीणा व सारंगी थायेत ल्‍यल। आसापं धाःसा भुस्‍याः थाइगु।

१ इतिहास 16:8

परमप्रभुयात सुभाय् देछा, वय्‌कःया नां का जाति जातिया दथुइ वय्‌कलं छु यानादीगु खः व न्‍यंकि।

१ इतिहास 24:3

दाऊद जुजुं हारूनया सन्‍तानयात इमिगु ज्‍याकथं पुचः पुचः यानाः ब्‍यागलं तयाबिल। उगु ज्‍या यायेत वयात एलाजारया काय् सादोक व ईतामारया काय् अहीमेलेकं ग्‍वाहालि बिल।

१ इतिहास 25:1

दाऊद व वया सेनापतितय्‌सं आसाप, हेमान व यदूतूनया परिवारपिं छुं मनूतय्‌त सारंगी, वीणा व भुस्‍या थानाः अगमवाणी धायेत अलग तल। इमिगु धलः थथे दु –

१ इतिहास 6:31

बाचाया सनू परमप्रभुया पवित्र पालय् तयेधुंकाः अन भजन हालेत व बाजं थायेत दाऊद जुजुं थुपिं मनूतय्‌त जिम्‍मा ब्‍यूगु खः।

२ इतिहास 5:13

तुरही पुइपिं व म्‍ये हालीपिन्‍सं छसलं परमप्रभुया प्रशंसा यात अले वय्‌कःयात सुभाय् बिल। इमिसं तुरही, भुस्‍याः व मेमेगु बाजंनापं परमप्रभुया प्रशंसा थुकथं तसलं यात, “धात्‍थें वय्‌कः भिंम्‍ह खः, वय्‌कःया दयामाया सदां दयाच्‍वनी।” अबलय् परमप्रभुया देगःयात सुपाचं त्‍वपुल।

एज्रा 3:10

परमप्रभुया देगः दय्‌कीपिन्‍सं जग तयेधुंकाः पुजाहारीत थथःगु वसः फिनाः तुरही ज्‍वनाः अले आसापया वंशयापिं लेवीत थथःगु भुस्‍याः ज्‍वनाः न्‍हापा इस्राएलयाम्‍ह जुजु दाऊदं आज्ञा ब्‍यू थें परमप्रभुयागु प्रशंसा यायेत दन।

नहेम्‍याह 12:24

लेवीतय्‌त पुचः पुचलय् ब्‍वथलातःगु दु। उपिं पुचःया नायःत हशब्‍याह, शरेबियाह, कादमीएलया काय् येशूअ खः। परमेश्‍वरया मनू दाऊद जुजुं ब्‍यूगु आज्ञा कथं परमेश्‍वरयात च्‍वछाइबलय्‌ व सुभाय्‌ बीबलय्‌ पालंपाः इमिगु चुलिंचू दनाच्‍वनीगु।

भजनसंग्रहया सफू 103:2

जिं दुनुगलंनिसें परमप्रभुया प्रशंसा याये। वय्‌कलं यानादीगु भिंगु ज्‍या जिं गुबलें ल्‍वःमंके मखु।

भजनसंग्रहया सफू 105:5

अय्, वय्‌कःया दास अब्राहामया सन्‍तान, अय्, वय्‌कलं ल्‍ययादीम्‍ह याकूबया सन्‍तान, वय्‌कलं यानादीगु अजू चायापुगु ज्‍या लुमंकि, वय्‌कःया अजू चायापुगु ज्‍या व वय्‌कलं न्‍यंकादीगु फैसलायात लुमंकि।

भजनसंग्रहया सफू 106:48

परमप्रभु इस्राएलयाम्‍ह परमेश्‍वरया प्रशंसा न्‍ह्याबलें जुयाच्‍वनेमा! सकसिनं “आमेन” धायेमा। हल्‍लेलूया!

भजनसंग्रहया सफू 37:1

मभिंपिं खनाः हीमी चाये मते मभिंगु ज्‍या याइपिंलिसे नुगः मुइके मते।

भजनसंग्रहया सफू 70:1

हे परमेश्‍वर! जितः बचय् यानादिसँ। हे परमप्रभु, जितः ग्‍वाहालि यायेत याकनं झासँ।

भजनसंग्रहया सफू 72:18

परमप्रभुयात प्रशंसा या, इस्राएलया परमेश्‍वरयात! अजू चायापुगु ज्‍या वय्‌कलं हे जक यानादी।