१ इतिहास 16:3 - नेवाः बाइबल

³ अले वं सकलें इस्राएली मिजंत व मिस्‍तय्‌त छपा छपा मरि, छगः छगः खजूर व छज्‍वाँय् छज्‍वाँय् किसमिस इनाबिल।

१ इतिहास 16:3 ပူးပေါင်းရင်းမြစ်များ

१ राजा 3:15

सोलोमनया न्‍ह्यलं चाल। व ला म्‍हगस खः धकाः वं सिल। व यरूशलेमय् लिहां वनाः परमप्रभुया बाचाया सनूया न्‍ह्यःने दनाः परमप्रभुयात होमबलि व मेलबलित छाल। अनंलि वं थः फुक्‍क भारदारतय्‌त भ्‍वय् नकल।

१ इतिहास 16:2

दाऊदं होमबलि व मेलबलि छायेधुंकाः वं परमप्रभुया नामय् मनूतय्‌त सुवाः बिल।

१ इतिहास 16:4

परमप्रभुया सनूया न्‍ह्यःने सेवा यायेत, वय्‌कःयात इनाप यायेत, सुभाय् देछायेत अले परमप्रभु, इस्राएलयाम्‍ह परमेश्‍वरया प्रशंसा यायेत दाऊदं छुं लेवीत ल्‍यल।

२ इतिहास 30:24

यहूदाया जुजु हिजकियां मनूतय्‌गु निंतिं द्वःछिम्‍ह द्वहं व न्‍हय्‌द्वःम्‍ह फै-च्‍वलय् अले भारदारतय्‌सं मनूतय्‌गु निंतिं द्वःछिम्‍ह द्वहं व झिद्वःम्‍ह फै-च्‍वलय् बिल। अले यक्‍व पुजाहारीतय्‌सं थःत शुद्ध यात।

नहेम्‍याह 8:10

नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

श्रेष्‍ठगीत 2:5

किसमिस ज्‍वाँय्‌लं जिगु बल न्‍हूगु यानादिसँ, अले स्‍याउनं जितः ताजा यानादिसँ, छाय्‌धाःसा मतिनां जि बमलाःगु दु।

यशैया 16:7

अथे जुयाः मोआबीत थःपिनिगु दुःखकष्‍टया कारणं ख्‍वयेमाली। इपिं सकलें मोआबया निंतिं विलाप याइ अले कीर-हरेशेतया किसमिसया ज्‍वाँय्‌या निंतिं छिमिसं ख्‍वख्‍वं बिलाप या।

इजकिएल 45:17

थीथी नखःचखः, अमइया नखः, विश्रामबारत व इस्राएलया घरानाया फुक्‍क क्‍वछिनातःगु नखःचखःबलय् छायेत होमबलि, अन्‍नबलि व त्‍वँसाबलि तयार यायेगु ज्‍या शासकयागु हे जुइ। इस्राएलया घरानाया निंतिं प्रायश्‍चित यायेत माःगु शुद्ध जुइगु बलि, अन्‍नबलि, होमबलि व मेलबलि वं हे तयार यानाबीमाः।

होशे 3:1

परमप्रभुं जितः धयादिल, “हुँ, हाकनं वनाः थः कलाःयात माया या। खः ला वयात मेम्‍ह मिजंनं माया याः अले व व्‍यभिचारिणी खः। परमप्रभुं इस्राएलीतय्‌त दया माया यानादी थें वयात दया माया या, खः ला इपिं मेपिं द्यःतपाखे फहीगु दु अले इमिसं मूर्तितय्‌त किसमिस छानाः पुजा यायेगु यानाच्‍वंगु दु।”

१ पत्रुस 4:9

पाहां वःपिं मनूतय्‌त छिमिसं दुनुगलंनिसें लसकुस या।