१ इतिहास 16:2 - नेवाः बाइबल

² दाऊदं होमबलि व मेलबलि छायेधुंकाः वं परमप्रभुया नामय् मनूतय्‌त सुवाः बिल।

१ इतिहास 16:2 ပူးပေါင်းရင်းမြစ်များ

उत्‍पत्ति 14:19

वं अब्रामयात थुकथं आशिष बिल, “जिं स्‍वर्ग व पृथ्‍वी दय्‌कादीम्‍ह दक्‍वसिबय् तःधंम्‍ह परमेश्‍वरया नामं छन्‍त आशिष बी।

उत्‍पत्ति 20:7

आः छं व मिसायात वया भाःतयाथाय् लित यंकि। वया भाःत अगमवक्ता खः। वं छंगु लागि प्रार्थना यानाबी। अले छ सी मखु। छं वयात लित मयंकल धाःसा छ व छिमि मनूत फुक्‍कं सी।”

उत्‍पत्ति 47:10

याकूबं हाकनं छकः फारोयात आशीर्वाद बिल, अले फारोयाथासं पिहां वन।

उत्‍पत्ति 47:7

अले योसेफं थः बौ याकूबयात फारोया न्‍ह्यःने हल। याकूबं फारोयात आशीर्वाद बिल।

२ शमूएल 6:18

दाऊदं थुपिं बलित छायेधुंकाः वं दक्‍व शक्ति दुम्‍ह परमप्रभुया नामं मनूतय्‌त सुवाः बिल।

१ इतिहास 16:1

लेवीतय्‌सं परमेश्‍वरया सनू हयाः दाऊदं व तयेत ग्‍वःगु पाल दुने तल, अले इमिसं परमेश्‍वरयात होमबलि व मेलबलि छाल।

१ इतिहास 16:3

अले वं सकलें इस्राएली मिजंत व मिस्‍तय्‌त छपा छपा मरि, छगः छगः खजूर व छज्‍वाँय् छज्‍वाँय् किसमिस इनाबिल।

२ इतिहास 29:29

अनंलि हिजकिया जुजु अले वनापं दुपिं सकल मनूतय्‌सं छ्यं क्‍वछुकाः परमप्रभुयात आराधना यात।

२ इतिहास 30:27

अले पुजाहारीत व लेवीत दनाः मनूतय्‌त सुवाः बिल, परमेश्‍वरं इमिगु खँ न्‍यनादिल छाय्‌धाःसा इमिगु प्रार्थना स्‍वर्गय् वय्‌कः च्‍वनादीगु पवित्र थासय् थ्‍यन।

इजकिएल 45:17

थीथी नखःचखः, अमइया नखः, विश्रामबारत व इस्राएलया घरानाया फुक्‍क क्‍वछिनातःगु नखःचखःबलय् छायेत होमबलि, अन्‍नबलि व त्‍वँसाबलि तयार यायेगु ज्‍या शासकयागु हे जुइ। इस्राएलया घरानाया निंतिं प्रायश्‍चित यायेत माःगु शुद्ध जुइगु बलि, अन्‍नबलि, होमबलि व मेलबलि वं हे तयार यानाबीमाः।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

हिब्रू 7:7

तःधंम्‍हय्‌सिनं चिधंम्‍हय्‌सित आशिष बी धकाः ला सि हे स्‍यू।

यहोशू 22:6

अले यहोशूं इमित सुवाः बियाः बिदा बिल, अले इपिं थथःगु छेँय् वन।