१ इतिहास 14:3 - नेवाः बाइबल

³ यरूशलेमय् दाऊदं मेपिं मिस्‍तलिसें नं ब्‍याहा यात। वया येक्‍व काय्‌पिं दत।

१ इतिहास 14:3 ပူးပေါင်းရင်းမြစ်များ

२ शमूएल 5:13

हेब्रोनं यरूशलेमय् च्‍वंवंबलय् दाऊदं अप्‍वः कलाः व मथ्‍याःपिं कलाःत हल। अले इपिंपाखें यक्‍व काय्‌म्‍ह्याय्‌पिं दत।

१ राजा 11:3

सोलोमनया न्‍हय्‌सःम्‍ह जुजु खलःयापिं कलाःपिं दु। वया स्‍वसःम्‍ह मथ्‍याःपिं कलाःपिं नं दु। वया कलाःपिन्‍सं वयागु मनयात परमेश्‍वरपाखें तापाकाबिल।

१ इतिहास 14:2

अले परमप्रभुं थःत धात्‍थें हे इस्राएलयाम्‍ह जुजु दय्‌कादीगु दु धइगु खँ दाऊदं सिल। छाय्‌धाःसा परमेश्‍वरया प्रजा इस्राएलया निंतिं वयागु राज्‍य यक्‍व तःधंगु जुइ धुंकूगु खः।

१ इतिहास 14:4

अन बूपिं वया काय्‌पिनिगु नां थथे दु – शम्‍मूअ, शोबाब, नातान, सोलोमन,

१ इतिहास 28:5

वय्‌कलं जितः यक्‍व काय्‌पिं बियादिल अले वय्‌कलं इपिं मध्‍ये सोलोमनयात परमप्रभुया राज्‍य इस्राएलय् शासन यायेत ल्‍ययादिल।

उपदेशक 9:9

परमेश्‍वरं थ्‍व संसारय् बियादीगु छंगु सितिं वंगु जीवनया फुक्‍क दिनय् थःम्‍हं माया यानाम्‍ह कलाःनापं मोजमज्‍जा या। थ्‍व हे जीवनय् व थ्‍व संसारय् छं याःगु थाकुगु ज्‍या हे छंगु भाग जुइ।

मलाकी 2:14

छिमिसं न्‍यनी, “छाय्?” छाय्‌धाःसा परमप्रभुं छिपिं व छिमि ल्‍याय्‌म्‍हबलय्‌या कलाः दथुइया साक्षीया ज्‍या यानाच्‍वनादीगु दु। छं वलिसें विश्‍वासघात यात, खः ला व छिमि जीवनया पासा व व्‍याहाया बाचाय् चिनातःम्‍ह कलाः खः।

मत्ती 19:8

वय्‌कलं लिसः बियादिल – “छिमिगु नुगः छाःगुलिं हे मोशां अथे पारपाचुकूसां ज्‍यू धकाः धयाथकूगु खः। सृष्‍टि याःबलय् निसें हे थथे जूगु मखु।

व्‍यवस्‍था 17:17

वं थःके यक्‍व कलाः मतयेमाः, मखुसा वयागु मन मखुगु लँय् वनी। वं थःगु लागिं लुँ, वहः यक्‍व ममुंकेमाः।