१ इतिहास 13:6 - नेवाः बाइबल

⁶ अले दाऊद व सकल इस्राएलीत यहूदाया बालाय् (बाला किर्यत-यारीमया मेगु नां खः) बाचा चिनादीगु सनू कायेत वन। व सनूयात परमेश्‍वर परमप्रभुया नामं सःतीगु खः। अले वय्‌कः उकिया च्‍वय् करूबतय् दथुइ च्‍वनादी।

१ इतिहास 13:6 ပူးပေါင်းရင်းမြစ်များ

१ राजा 8:16

‘जिमि मनूतय्‌त मिश्रं पित हयागु दिनंनिसें आः तक जिं जिगु नांया इज्‍जतया निंतिं इस्राएलया छुं नं कुलय् गन नं देगः दय्‌केत शहर ल्‍ययागु मदुनि। तर दाऊदयात जिमि मनूतय्‌त शासन यायेत ल्‍ययागु दु।’”

२ राजा 19:15

हिजकियां परमप्रभुयात थथे प्रार्थना यात, “हे परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

प्रस्‍थान 20:24

“‘जिगु निंतिं चाया वेदी दय्‌काः उकी हे होमबलि, मेलबलि, फैच्‍वलय् व सा द्वहं देछा। गन गन जिं थःगु नांयात हनाबना याके अन वयाः जिं छिमित आशिष बी।

प्रस्‍थान 23:21

वयागु न्‍ह्यःने होश यानाच्‍वँ अले वं धाःगु खँ न्‍यँ। वयागु विरोधय् वने मते। छाय्‌धाःसा वयाके जिगु नां दुगुलिं वं छिमिगु अपराध क्षमा याइ मखु।

प्रस्‍थान 25:22

अन जिं छनापं नाप लाये। प्रायश्‍चितया कृपा-आसन च्‍वय् निम्‍ह करूबतय्‌गु दथुं इस्राएलीतय्‌गु निंतिं फुक्‍कं उजं जिं छन्‍त बी।

यशैया 37:16

“हे दक्‍व शक्ति दुम्‍ह परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

गन्‍ती 6:27

“हारून व वया काय्‌पिन्‍सं इस्राएलीतय्‌त सुवाः बियाः जिगु नां काइबलय् जिं इमित सुवाः बी।”

गन्‍ती 7:89

मोशा परमप्रभुलिसें खँ ल्‍हायेत महा-पवित्र थासय् वंबलय् बाचाया सनू द्यःने दुगु प्रायश्‍चितया कृपा-आसन च्‍वय्‌या निम्‍ह करूबतय् दथुं वं थःनापं नवानाच्‍वंगु सः ताल। अले परमप्रभुं व नापं खँ ल्‍हानादिल।

यहोशू 15:60

किर्यत-बाल (थुकियात किर्यत-यारीम नं धाः) अले रब्‍बा। थुपिं फुक्‍क निगू शहर व इमिगु छचाःखेरं दुगु गां।

यहोशू 15:9

व सिमाना डाँडाया च्‍वकां क्‍वहां वना नेप्‍तोह नांयागु बुँगाःचापाखे न्‍ह्यज्‍यानाः एप्रोन डाँडायागु शहरत जुयाः बाला धाइगु किर्यत-यारीमपाखे क्‍वय् क्‍वहां वन।

यहोशू 9:17

उकिं इस्राएलीत न्‍ह्याः वनाः स्‍वन्‍हु दुखुन्‍हु इमिगु शहर गिबोन, कपीरा, बेरोत व किर्यत-यारीमय् थ्‍यंकवल।

१ शमूएल 4:4

अथे जुयाः इमिसं शीलोय् मनूत छ्वल अले करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुया बाचाया सनू हल। एलीया निम्‍ह काय्‌पिं होप्‍नी व पीनहास नं व सनू नापं हे वल।

१ शमूएल 6:21

अले इमिसं किर्यत-यारीमया मनूतय्‌थाय् थ्‍व खबर छ्वत, “पलिश्‍तीतय्‌सं परमप्रभुया बाचाया सनू लित हःगु दु। क्‍वहां वयाः थ्‍व छिकपिन्‍थाय् यंकादिसँ।”